30.04.2026 | 18:19
ԱԺ հանձնաժողովը դրական եզրակացություն է տվել Արտաքին հետախուզության ծառայության մասին օրենքում փոփոխությունների նախագծին
ԲԱՆԱՎԵՃ․ Պուտինը և Ալիևը հրավիրեցին Փաշինյանին՝ ՌԴ բանակցելու․ ինչպե՞ս կլուծվեն անկլավների, ապաշրջափակման հարցերը
Քաղաքականություն
13.10.2023 | 20:32
Ռուսաստանն ու Ադրբեջանը կոնսենսուս են ձեռք բերել հայ-ադրբեջանական կարգավորման բանակցությունները Մոսկվայում անցկացնելու վերաբերյալ։ Նախ՝ Իլհամ Ալիևը հայտարարեց, թե հենց Մոսկվան է լավագույն միջնորդը հայ-ադրբեջանական բանակցություններում։
Նա կոշտ քննադատել է «Հայաստանի արևմտյան հովանավորներին», և հայտարարել, որ Ռուսաստանի միջնորդական առաքելությանն այլընտրանք չկա․ «Մենք երախտագիտությամբ ենք ընդունում Ռուսաստանի միջնորդությունը, քանի որ Ռուսաստանը մեր հարևանն ու դաշնակիցն է, ինչպես նաև Հայաստանի դաշնակիցն է։ Այս երկիրը գտնվում է մեր տարածաշրջանում՝ ի տարբերություն հազարավոր կիլոմետրեր հեռու գտնվողների»։
Երեկ տեղի ունեցավ Պուտին-Ալիև հանդիպումը։ Արդեն այսօր Պուտինը հայտարարեց, որ Մոսկվան պատրաստ է օգնել Հայաստանին և Ադրբեջանին խաղաղության համաձայնագիր կնքելու հարցում և առաջարկել է բանակցություններն անցկացնել Մոսկվայում։ Ասաց՝ նախ կարող են ԱԳ նախարարները հանդիպել և բանակցել, հետո, բանակցությունների ավարտից հետո, խաղաղության համաձայնագիրը կստորագրեն երկրների ղեկավարները։
Ո՛չ ՀՀ ԱԳ նախարար Արարատ Միրզոյանը, ո՛չ Նիկոլ Փաշինյանը ներկա չգտնվեցին Բիշքեկում ԱՊՀ-ի միջոցառումներին։ Բաց է մնում նաև հարցը՝ Երևանը կընդունի՞ Մոսկվայի և Բաքվի հրավերը, թե՞ կնախընտրի Բրյուսելում բանակցել։ Եվ կան կենտրոնական մի քանի հարցեր՝ ինչպե՞ս կլուծվի անկլավների հարցը, դրանք կփոխանակվե՞ն, թե՞ ՀՀ-ն կստանա Արծվաշենը և Տավուշի չորս գյուղերից օկուպացված տարածքները, Ադրբեջանը՝ երեք անկլավները։ Ապաշրջափակումը տեղի կունենա միջանցքայի՞ն տրամաբանությամբ, թե՞ հարգելով ՀՀ-ի ինքնիշխանությունը և իրավազորությունը։
Factor TV-ում հրավիրված քննարկմանը մասնակցում են քարտեզագետ, աշխարհագրագետ Ռուբեն Գալջյանը, Ազգային անվտանգության և ռազմական հարցերով փորձագետ Հրաչյա Արզումանյանը, ՀՀ ԱԺ ՔՊ խմբակցության պատգամավոր Հակոբ Ասլանյանը։
Մանրամասները՝ տեսանյութում։
