30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելը Գազայի հյուսիսային հատվածի բնակիչներին հրամայել է առաջիկա 24 ժամվա ընթացքում հեռանալ․ ՄԱԿ
Քաղաքականություն
13.10.2023 | 11:04
ՄԱԿ-ը տեղեկություն է ստացել, որ Իսրայելը հրամայել է Գազայի հատվածի հյուսիսային հատվածի բնակիչներին 24 ժամվա ընթացքում տեղափոխվել անկլավի հարավ: BBC-ի ռուսական ծառայության փոխանցմամբ՝ այս մասին ասել է կազմակերպության գլխավոր քարտուղարի խոսնակ Ստեֆան Դյուժարիկը։
«ՄԱԿ-ը խստորեն կոչ է անում չեղարկել ցանկացած նման հրաման, եթե այն հաստատվի, որպեսզի խուսափենք առանց այն էլ ողբերգական իրավիճակն աղետալիի վերածելուց»,- ասել է նա:
Ըստ ՄԱԿ-ի տվյալների՝ որոշումը, որը կայացվել է ուրբաթ կեսգիշերին մոտ, տարածվում է մոտ 1,1 միլիոն մարդու՝ ամբողջ Գազայի հատվածի բնակչության կեսի վրա: Գոտու հյուսիսում է գտնվում խիտ բնակեցված Գազա քաղաքը։
Նա ասել է, որ իսրայելացի զինվորականները տեղեկացրել են Գազայում աշխատող ՄԱԿ-ի պաշտոնյաներին, որ հրամանը վերաբերում է նաև կազմակերպության բոլոր աշխատակիցներին և կազմակերպության շենքում գտնվողներին, ինչպես նաև դպրոցներին և հիվանդանոցներին:
«ՄԱԿ-ն անհնար է համարում, որ նման տեղաշարժը տեղի ունենա առանց ավերիչ հումանիտար հետևանքների»,- հավելել է Դյուժարիկը:
Իսրայելը, դատելով այս ամենից, վերջին օրերին պատրաստվում է ցամաքային հարձակման՝ զինվորների, ծանր հրետանի և տանկեր կուտակելով Գազայի սահմանին: Իսրայելը պաշտոնապես հաստատել է Գազայի հատվածի հյուսիսային հատվածի բնակիչներին տարհանելու հրամանը:
Ուրբաթ ՄԱԿ-ի Անվտանգության խորհուրդն արտահերթ նիստ կանցկացնի։
