19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ռուսերենը՝ ԱՊՀ-ում ազգամիջյան շփման լեզու․ Բիշքեկում փաստաթուղթ է համաձայնեցվել
Քաղաքականություն
12.10.2023 | 18:40
ԱՊՀ երկրների ղեկավարների գագաթնաժողովի նախօրեին Բիշքեկում կայացել է ԱՊՀ արտգործնախարարների հանդիպումը (Հայաստանը ներկայացված է փոխարտգործնախարարի մակարդակով): Հանդիպման ընթացքում համաձայնեցված փաստաթղթերի թվում է ռուսաց լեզվի` որպես ազգամիջյան հաղորդակցության լեզու աջակցող հայտարարություն:
«Կոմերսանտ»-ը գրում է, որ Մոսկվան այսպես ձգտում ԱՊՀ երկրները պահել իր ազդեցության ուղեծրում։ Բիշքեկում կայացած հանդիպմանը Ռուսաստանի, Ադրբեջանի, Բելառուսի, Ղազախստանի, Տաջիկստանի, Թուրքմենստանի, Ուզբեկստանի արտաքին հարաբերությունների գերատեսչությունների ղեկավարները և ՀՀ փոխարտգործնախարարը համաձայնեցրել են մի շարք փաստաթղթեր, այդ թվում՝ «Ռուսաց լեզուն՝ որպես ազգամիջյան հաղորդակցության լեզվի մասին» հայտարարությունը։
Այս մասին Սերգեյ Լավրովը հայտարարել է մամուլի ասուլիսում։
«Նույն թեմայով փաստաթուղթ է հաստատվել, որով ստեղծվում է ռուսաց լեզվի հարցերով միջազգային կազմակերպություն, որը բաց կլինի ցանկացած շահագրգիռ երկրի, այդ թվում՝ ԱՊՀ-ի կազմի մեջ չմտնող երկրների համար»,- հավելել է նա։
Հանդիպմանը համաձայնեցված մյուս փաստաթղթերը ներառում են կրոնական ազատության, ինչպես նաև բազմաբևեռ աշխարհում միջազգային հարաբերությունների և թվայնացման ոլորտում համագործակցության մասին հայտարարություններ:
Դրանք բոլորը կքննարկեն հոկտեմբերի 13-ին կայանալիք գագաթնաժողովում։
