Քաղաքականություն
12.10.2023 | 18:24
Իրանի նախագահ Էբրահիմ Ռաիսին Իսրայելին մեղադրել է «ցեղասպանության» մեջ։ Նա այսպես է անվանել իսրայելցի զինվորականների գործողությունները Գազայի հատվածում, գրում է BBC-ի ռուսական ծառայությունը։
Ռաիսիի խոսքով՝ Գազայի հատվածի ամբողջական շրջափակումը, որտեղ դադարեցվել է ջրի, էլեկտրաէներգիայի և վառելիքի մատակարարումը, խախտում է գործող բոլոր միջազգային պայմանագրերը։
BBC-ի հրապարակման մեջ նշվում է, որ Իրանը հանդիսանում է ծայրահեղական խմբավորումների առաջատար հովանավորը, ինչպիսիք են ՀԱՄԱՍ-ը և լիբանանյան Հըզբոլլահը, և ենթադրվում է, որ Իրանը կանգնած է Գազայի հատվածից Իսրայելի վրա հարձակման հետևում:
Իրանի հոգևոր առաջնորդ այաթոլլա Ալի Խամենեին ավելի վաղ հայտարարել էր, որ Թեհրանը ներգրավված չէ Իսրայելի վրա ՀԱՄԱՍ-ի հարձակմանը։ Միաժամանակ, նա ողջունել է Իսրայելի «անուղղելի» ռազմական պարտությունն ու հետախուզության ձախողումը։
Հարձակումից հետո իր առաջին հեռուստատեսային ելույթում Խամենեին ասել է. «Մենք համբուրում ենք նրանց ձեռքերը, ովքեր հարձակում են ծրագրել սիոնիստական ռեժիմի վրա»:
