23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Լևոն Քոչարյանը տուժող է ճանաչվել խոշտանգման առթիվ հարուցված վարույթով
Հասարակություն
12.10.2023 | 12:34
Հայաստանի երկրորդ նախագահ Ռոբերտ Քոչարյանի որդին` Լևոն Քոչարյանը տուժող է ճանաչվել սեպտեմբերի 22-ին իրեն բերման ենթարկելիս ենթադրյալ խոշտանգման առթիվ հարուցված վարույթով: Այս մասին ԶԼՄ ներկայացուցիչների հետ հանդիպման ժամանակ ասաց Քոչարյանի պաշտպաններից Էրիկ Ալեքսանյանը:
Հիշեցնենք, որ Քոչարյանը բերման է ենթարկվել Նիկոլ Փաշինյանի հրաժարականի պահանջով Կառավարության շենքի դիմաց բողոքի ակցիաներից մեկի ժամանակ: Քոչարյանը բերման ենթարկվելուց հետո հաղորդում է ներկայացրել այն մասին, որ իր նկատմամբ բռնություն է գործադրվել, վարույթ է նախաձեռնվել խոշտանգման հոդվածով, սակայն այս գործով որևէ ոստիկան մեղադրյալի կարգավիճակ չունի:
Ոստիկաններն իրենց հերթին հայտնել են, որ Քոչարյանն իրենց նկատմամբ բռնություն է գործադրել․ այս մասով ևս քրեական վարույթ է նախաձեռնվել, որի շրջանակներում Քոչարյանը մեղադրվում է իշխանության ներկայացուցչի նկատմամբ բռնություն գործադրելու մեջ և կալանավորված է:
Արաքս Մամուլյան
