23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Էրդողանը բանակցություններ է վարում ՀԱՄԱՍ-ի հետ` իսրայելցի գերիներին ազատ արձակելու համար
Քաղաքականություն
12.10.2023 | 16:00
Թուրքիայի նախագահ Ռեջեփ Թայիփ Էրդողանը բանակցային գործընթաց է սկսել ՀԱՄԱՍ-ի հետ՝ պաղեստինցի զինյալների կողմից առևանգված իսրայելցի պատանդներին ազատ արձակելու համար։ Agence France-Presse-ին այս մասին հայտնել է իրավիճակին տեղյակ պաշտոնական աղբյուրը, գրում է Turkish Minute-ը։
«Նրանք բանակցում են՝ ապահովելու պատանդների ազատ արձակումը»,- ասել է աղբյուրը՝ հաստատելով Habertürk հեռուստաալիքի տեղեկությունները։
Հավելենք, որ Իսրայելի վրա ՀԱՄԱՍ-ի անսպասելի հարձակումից հետո տասնյակ մարդիկ են գերեվարվել։
Թուրքիայի նախագահը, որն առաջարկել է միջնորդել խաղաղությունը վերականգնելու համար, ակտիվացնում է բանակցությունները մերձավորարևելյան իր գործընկերների հետ։
Նախօրեին նա զրուցել է Սաուդյան Արաբիայի գահաժառանգ արքայազն Մուհամմեդ բեն Սալմանի և Ալժիրի նախագահ Աբդելմաջիդ Թեբբունիի հետ։
Էմմա Չոբանյան
