02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Ռուսաստանի խոշորագույն մասնավոր ավիաընկերությունը կկրճատի թռիչքների թիվը՝ ներմուծվող շարժիչների հետ կապված խնդիրների պատճառով
Քաղաքականություն
11.10.2023 | 22:33
S7 Airlines-ը աշնանը և ձմռանը 10-15%-ով կնվազեցնի թռիչքների թիվը նախորդ տարվա համեմատ՝ «Airbus A320/A321neo ինքնաթիռների պլանավորված սպասարկման հետ կապված դժվարությունների պատճառով: Այս մասին «Կոմերսանտ»-ին հայտնել են ավիաշուկայում սեփական աղբյուրները:
Խնդիրներ են առաջացել վերջին սերնդի ամերիկյան P&W շարժիչների վերանորոգման հետ կապված, պարզաբանել են կառավարության և Տրանսպորտի նախարարության աղբյուրները։ Նրանց խոսքով՝ նման շարժիչները չեն վերանորոգվում ո՛չ Ռուսաստանում, ո՛չ էլ Իրանում, որտեղ զբաղվում են «ավելի տարածված և հասկանալի սարքավորումների վերանորոգմամբ»։
P&W շարժիչները նոր են և չափազանց բարդ է դրանց սպասարկումը, ասել է ավիացիոն ոլորտի աղբյուրը: Նա նշել է, որ չի հավատում մոտ ապագայում Ռուսաստանում դրանց վերանորոգման հնարավորությանը։
Առանց պաշտոնական աջակցության՝ անհնար է վերանորոգել այդ շարժիչները, հաստատել է Արևելյան Եվրոպայում Willis Lease Financial Company-ի ներկայացուցիչ Դմիտրի Վոսկրեսենսկին։
«Սրանք «չիպային» շարժիչներ են, որոնց տեղաշարժը վերահսկվում է»,- բացատրել է նա՝ հավելելով, որ դրանք մեծապես հիմնված են ծրագրային ապահովման վրա և վերանորոգվում են աշխարհում ընդամենը երեք-չորս մասնաճյուղերում:
