Մեզ նման միջնորդներ պետք չեն․ Ալիևը դժգոհել է Ֆրանսիայից, շնորհակալություն հայտնել ՌԴ-ին

Լուրեր

22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
Բոլորը

Ադրբեջանի նախագահ Իլհամ Ալիևը հայտարարել է, թե Բաքուն պատրաստ է աշխատել Երևանի հետ խաղաղության պայմանագրի շուրջ։ Ալիևը նշել է, որ իր համար նախընտրելի է ռուսական միջնորդությունը։

«Մենք պատրաստ ենք շարունակել աշխատանքը խաղաղության պայմանագրի վրա. եթե ​​Ռուսաստանի Դաշնության միջնորդությունը մերժվի հայկական կողմից, ապա, կարծում եմ, որ այլընտրանք կարող են լինել Ադրբեջանի և Հայաստանի արտգործնախարարների ուղիղ բանակցությունները։ Մենք կվերլուծենք ցանկացած այլ հարթակ՝ հաշվի առնելով այն երկրների վերաբերմունքը, որոնք իրենց ծառայություններն են առաջարկում ճշմարտությանը՝ ոչ թե Ադրբեջանին, այլ ճշմարտությանը և միջազգային իրավունքին»,-  հայտարարել է Ալիևը ԱՊՀ անդամ պետությունների անվտանգության մարմինների և հատուկ ծառայությունների խորհրդի ղեկավարների նիստի մասնակիցների հետ հանդիպմանը։

Նա իր երախտագիտությունն է հայտնել ՌԴ-ին միջնորդական ջանքերի համար։

«Մենք երախտագիտությամբ ենք ընդունում Ռուսաստանի Դաշնության միջնորդությունը, քանի որ Ռուսաստանը մեր հարևանն ու դաշնակիցն է, ինչպես նաև Հայաստանի դաշնակիցը, այս երկիրը գտնվում է մեր տարածաշրջանում՝ ի տարբերություն նրանց, որոնք հազարավոր կիլոմետրեր հեռու են։ Մենք դրական ենք ընդունել այս առաջարկը, և մեր արտգործնախարարը պատրաստ է հանդիպել իր ռուս և հայ գործընկերների հետ (խոսքը Բիշքեկում հոկտեմբերի 12-ի հանդիպման առաջարկի մասին է, որին ՀՀ ԱԳ նախարարը չի մասնակցի)։

«Ցավոք, հայկական կողմը հրաժարվեց այս հանդիպումից։ Հիմա հարց է առաջանում՝ Հայաստանը խաղաղությո՞ւն է ուզում։ Կարծում եմ՝ ոչ, քանի որ եթե խաղաղություն ցանկանար, չէր հրաժարվի այս հնարավորությունից։ Հայաստանի վարչապետը 6 ժամով թռչում է Գրանադա, այնտեղ անհասկանալի հանդիպման է մասնակցում, որտեղ քննարկվում է Ադրբեջանը՝ առանց Ադրբեջանի, բայց նա 2-3 ժամով Բիշքեկ չի կարող թռչել, կարևոր գործեր ունի»,- դժգոհել է Ալիևը, որը հրաժարվել էր Գրանադայում  Ֆրանսիայի, Գերմանիայի ղեկավարների և Եվրոպական խորհրդի նախագահի մասնակցությամբ հանդիպումից։

Նա նշել է, թե ներկայումս որոշ երկրներ և միջազգային կազմակերպություններ փորձում են միջնորդական ծառայություններ մատուցել Ադրբեջանի և Հայաստանի միջև հարաբերությունների կարգավորման գործում։

«Վերջերս ես ասացի, որ եթե այս քաղաքականությունը միակողմանի և կողմնակալ չէ, մենք ընդունում ենք այդ փորձերը։ Բայց երբ Ֆրանսիայի կողմից մենք տեսնում ենք դիվանագիտական ​​բոլոր նորմերի կոպտագույն խախտում, վիրավորանքներին, կեղտոտ ակնարկներին, սադրանքներին ու ստին սահմանակից հայտարարություններ, մի կողմից, իսկ մյուս կողմից՝ միջնորդական ծառայություններ մատուցելու փորձեր, ապա դա չի տեղավորվում որևէ տրամաբանական շրջանակում: Մեզ նման միջնորդներ պետք չեն»,-հայտարարել է Ադրբեջանի նախագահը։