22.11.2024 | 20:33
3 ոսկե, 3 արծաթե և 8 բրոնզե մեդալ՝ Երևանում անցկացված Զինվորականների ըմբշամարտի աշխարհի 37-րդ առաջնությունից
Խաչի լեռնանցքը բացվել է բեռնատարների համար․ կուտակումներ կան միայն ռուսական կողմում․ Վահան Հակոբյան
Տնտեսություն
11.10.2023 | 15:06
Խաչի լեռնանցքը մոտ 2 ժամ առաջ բացվել է բեռնատարների համար։ Այս մասին Factor.am-ի հետ զրույցում տեղեկացրեց Ռուսաստանում ՀՀ դեսպանությանը կից մաքսային կցորդ Վահան Հակոբյանը:
«Ձյան առատ տեղումների պատճառով մերկասառույց է առաջացել, ճանապարհը երեկ ռուսական ժամանակով ժամը 23։00-ին փակվել էր բեռնատարների համար, ռուսական կողմից եկողներին թույլ չէին տալիս մտնել Վրաստան Խաչի լեռնանցքի հատվածում կուտակումներից խուսափելու համար: Մոտ 2 ժամ առաջ ճանապարհը բացվել է։ Հիմա նորմալ երթևեկում են։ Հայաստանից դուրս է եկել մոտ 350 բեռնատար, որոնք դեռ ձևակերպում չեն ստացել։ Միայն ռուսական կողմից ունենք կուտակումներ դեպի Վրաստան ուղղությամբ, դա, մասնավորապես, կապված է ՌԴ կառավարության 15/38 որոշման հետ, որով նոր մաքսատուրքեր են սահմանվել, դա սակայն, Հայաստանին չի վերաբերում։ Հայկական մեքենաները արտահերթ բաց են թողնվում»,- նշեց Հակոբյանը։
Անժելա Պողոսյան
