09.09.2026 | 13:29
Չի եղել որևէ միջազգային հանդիպում, որ չխոսենք Բաքվում պահվող գերիների վերադարձի մասին․ Կարապետյան․ ՏԵՍԱՆՅՈՒԹ
Պաշտոնական Բաքուն արձագանքել է ՀՀ գյուղերի օկուպացրած լինելու մասին Նիկոլ Փաշինյանի հայտարարությանը
Քաղաքականություն
11.10.2023 | 15:54
Պաշտոնական Բաքուն արձագանքել է ՀՀ վարչապետ Նիկոլ Փաշինյանի հայտարարությանը, թե Ադրբեջանը շարունակում է օկուպացիայի տակ պահել Տավուշի մարզի մի շարք գյուղերի որոշ հատվածներ, ինչպես նաև Արծվաշենը, որոնք մտնում են ՀՀ-ի՝ միջազգայնորեն ճանաչված 29,800 քառակուսի կիլոմետր տարածքի մեջ։
Ադրբեջանի ԱԳՆ-ն Փաշինյանի հայտարարություններն որակել է որպես «խեղաթյուրող ու մանիպուլյատիվ»։ Հաղորդագրության մեջ ասվում է, թե, իբր, Հայաստանն առանց պատճառի խուսափում է տարբեր հարթակներում մասնակցությունից, այն դեպքում երբ հենց ադրբեջանական կողմն է հրաժարվել Գրանադայում օրերս կայացած հանդիպմանը մասնակցելուց։
«Հայաստանի այն պնդումները, թե, իբր, Ադրբեջանը գրավել է հայկական որոշ գյուղեր, բացարձակ սուտ են։ Սրանով նա ցանկանում է արդարացնել ադրբեջանական 8 գյուղերի օկուպացումը։ Հայաստանը, հակառակ միջազգային իրավունքի բոլոր նորմերին ու սկզբունքներին, ինչպես նաև խախտելով միջազգային մարդասիրական իրավունքը, օկուպացրել է Ադրբեջանի 8 գյուղ և կոտորածներ է իրականացրել այնտեղի բնակչության նկատմամբ»,-ասվում է հայտարարության մեջ։
Բաքուն, որը չի կատարում տարբեր հարթակներում ավելի վաղ ձեռք բերված պայմանավորվածությունները, պնդում է, թե սահմանազատման համար հայկական կողմի մատնանշած 1975 թ-ի քարտեզը «գոյություն չունի»։
