16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Դանիան մտադիր է 2024 թվականի առաջին կիսամյակում Ուկրաինային մատակարարել F-16 կործանիչներ
Քաղաքականություն
11.10.2023 | 23:02
Դանիայի պաշտպանության նախարար Տրոելս Լունդ Պոուլսենը հայտարարել է, որ իր երկիրը մտադիր է Ուկրաինային մատակարարել առաջին F-16 կործանիչները ոչ ուշ, քան 2024 թվականի առաջին եռամսյակը, այսինքն՝ մինչև մարտ կամ ապրիլ: Այս մասին հաղորդում է դանիական TV2 հեռուստաալիքը, փոխանցում է BBC-ի ռուսական ծառայությունը։
Պոուլսենը հավելել է, որ առաքման կոնկրետ ժամկետը կախված է ուկրաինացի օդաչուների վերապատրաստման տեմպերից։ Դանիայի ՊՆ-ն չի հայտնել, թե կոնկրետ քանի կործանիչ կստանա Կիևը։
Դանիայի բանակը զինված է 43 միավոր F-16 ինքնաթիռներով, մոտավորապես նույնքան ինքնաթիռ ունի Նիդերլանդները։ Երկու երկրներն էլ հայտարարել են իրենց կործանիչներն Ուկրաինային մատակարարելու մտադրության մասին։
Բացի այդ, չորեքշաբթի Բելգիան նույնպես հայտարարեց, որ 2025 թվականից Ուկրաինային կփոխանցի F-16 ինքնաթիռներ։
