30.04.2026 | 15:28
Էրդողանը հրավիրվել է Երևանում Եվրոպական քաղաքական համայնքի հանդիպմանը. մասնակցությունը պարզ կդառնա առաջիկա օրերին. BBC
Մոսկվան ու Բաքուն ստորագրել են տեղեկատվական անվտանգության ոլորտում համագործակցության համատեղ ծրագիր
Քաղաքականություն
11.10.2023 | 13:57
Ռուսաստանն ու Ադրբեջանը ստորագրել են տեղեկատվական անվտանգության ոլորտում համագործակցության համատեղ ծրագիր, գրում են ադրբեջանական լրատվամիջոցները։
ՌԴ Անվտանգության խորհրդի քարտուղար Նիկոլայ Պատրուշևը Բաքու կատարած այցի շրջանակում աշխատանքային հանդիպում է ունեցել Ադրբեջանի Անվտանգության խորհրդի քարտուղար Ռամիլ Ուսուբովի հետ, որի ընթացքում կողմերը հաստատել են իրենց հանձնառությունը բոլոր ոլորտներում Մոսկվայի և Բաքվի միջև համագործակցության հետագա ամրապնդման համար։ Նրանք էլ ստորագրել են տեղեկատվական անվտանգության ոլորտում համագործակցության համատեղ ծրագիրը։
Նշվում է, որ կողմերը հանդիպմանը հատուկ ուշադրություն են դարձրել երկու երկրների իրավապահ մարմինների և հետախուզական ծառայությունների փոխգործակցության հեռանկարներին, ներառյալ թմրամիջոցների ապօրինի շրջանառության դեմ համատեղ հակազդեցությունը, ինչպես նաև տեղեկատվական և հաղորդակցական տեխնոլոգիաների ոլորտում հանցագործությունների դեմ պայքարին։
Բացի այդ՝ Պատրուշևն ու Ուսուբովը ամփոփել են երկու երկրների անվտանգության խորհրդի ապարատների, նախարարությունների և գերատեսչությունների ներկայացուցիչների մասնակցությամբ տեղի ունեցած ռուս-ադրբեջանական անվտանգության խորհրդակցությունների արդյունքները։
Ըստ ռուսական լրատվամիջոցների՝ Պատրուշևը նշել է, որ Ռուսաստանը Ադրբեջանին դիտարկում է որպես միջազգային տեղեկատվական անվտանգության ոլորտում համախոհներից մեկի։
