18.02.2026 | 14:44
Իրանի և Ռուսաստանի ռազմածովային ուժերը վաղը համատեղ զորավարժություններ կանցկացնեն
Զախարովան՝ Արցախի նախկին ղեկավարների՝ Ադրբեջանի կողմից ձերբակալվելու հարցի մասին
Քաղաքականություն
10.10.2023 | 18:55
ՌԴ ԱԳՆ-ն հուսով է, որ Ադրբեջանում պահվող հայ ռազմագերիների հարցը «հաջողությամբ կլուծվի, քանի որ դրա համար բավականին լավ պայմաններ են հասունացել»․ այսպես է ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ պատասխանել Արցախի նախկին ղեկավարների՝ Ադրբեջանի կողմից ձերբակալելու վերաբերյալ հարցին։ Ըստ Զախարովայի՝ «նշված անձինք Լեռնային Ղարաբաղի տարածքի հետ կապված բնակիչներ են և այդ հարցն ավելի լավ է հասցեագրել Ադրբեջանի ու Հայաստանի իշխանություններին»։
«Մենք ելնում ենք այն բանից, որ ցանկացած իրավիճակում պահվող անձանց պետք է վերաբերվել հումանիտար իրավունքին համաձայն։ Մենք մեր գործընկերներին ինչպես երկկողմ, այնպես էլ եռակողմ շփումներում բազմիցս կոչ ենք արել բոլորը բոլորի դիմաց ձևաչափով ռազմագերիների փոխանակում իրականացնել։ Հիմա, մեր կարծիքով դրա համար բավականին լավ պայմաններ են հասունացել։ Հուսով ենք, որ այս հարցը հաջողությամբ կլուծվի»,- հայտարարել է ՌԴ ԱԳՆ ներկայացուցիչը։
