06.08.2026 | 08:48
Երեք նախարարության անվանում փոխվում է
Դժվար թե Ռուսաստանը նախագահական ընտրություններից առաջ նոր մոբիլիզացիա իրականացնի. բրիտանական հետախուզություն
Քաղաքականություն
10.10.2023 | 15:11
Բրիտանական հետախուզությունն ուկրաինական ճակատում իրավիճակի վերաբերյալ իր վերջին զեկույցում նշում է, որ Մոսկվան հազիվ թե նոր զանգվածային մոբիլիզացիա սկսի մինչև 2024 թվականի մարտը՝ Ռուսաստանում նախագահական ընտրությունները:
Ըստ հետախուզական տվյալների՝ Վլադիմիր Պուտինը պատրաստվում է առաջադրվել նախագահի պաշտոնում և ոչ պաշտոնական նախընտրական քարոզարշավը կարող է սկսել արդեն այս տարվա նոյեմբերին:
«Գրեթե կասկած չկա, որ Պուտինի նախընտրական արշավի հիմնական թեման կլինի Ռուսաստանի՝ որպես առանձին քաղաքակրթության թեզը, որը պետք է պաշտպանվի արտաքին թշնամիներից, մի պատմություն, որը հաճախ օգտագործվում է արդարացնելու իշխանության գործողությունները և իշխանության ամրապնդումը Պուտինի ձեռքում»,-ասված է ամփոփագրում։
Ռուսաստանում վերջին զանգվածային մոբիլիզացիան իրականացվել է 2022 թվականի աշնանը, այն բանից հետո՝ երբ ռուսական բանակը կորցրեց վերահսկողությունը Խարկովի մարզի օկուպացված տարածքների նկատմամբ ուկրաինական զորքերի արագ հակահարձակման արդյունքում։
Ռուսաստանում մոբիլիզացիայի մեկնարկից հետո ուկրաինացի զինվորականները ազատագրել են նաև Խերսոնը ևհարակից տարածքները Դնեպրի աջ ափին։
