26.11.2024 | 15:26
Սկզբունքային հարց է դարձե՞լ իմ խոսափողն անջատելը․ Արմենուհի Կյուրեղյան․ ՏԵՍԱՆՅՈՒԹ
Էրդողանը հայտարարել է, թե Անկարան հարմար պահի կպատասխանի Սիրիայում ԱՄՆ-ի կողմից թուրքական ԱԹՍ-ի խոցմանը
Քաղաքականություն
10.10.2023 | 13:28
Թուրքիայի նախագահ Ռեջեփ Թայիփ Էրդողանը նախօրեին կառավարության նիստից հետո կրկնել է իր խոստումը «շարունակելու ռազմական գործողությունները, քանի դեռ Քրդստանի աշխատավորական կուսակցության (PKK) բոլոր տարրերն ամբողջությամբ չեն ոչնչացվել», գրում են թուրքական լրատվամիջոցները։
Էրդողանի հայտարարությունը հնչում է այն բանից հետո, երբ Թուրքիան թիրախավորել է Սիրիայի հյուսիսային և արևելյան ինքնավար վարչակազմի (AANES) վերահսկողության տակ գտնվող սիրիական տարածքների ենթակառուցվածքները, ինչի հետևանքով տասնյակ մարդիկ են զոհվել։
Անդրադառնալով վերջերս Սիրիայի հյուսիսում ամերիկյան ուժերի կողմից թուրքական զինված անօդաչու թռչող սարքի խոցմանը՝ Էրդողանն ասել է. «Այս միջադեպը, անկասկած, դաջվել է մեր ազգային հիշողության մեջ և անհրաժեշտ պատասխանը անպայման կտրվի, երբ գա համապատասխան ժամանակը»։
Հիշեցնենք, որ Պենտագոնի խոսնակ, բրիգադի գեներալ Փեթ Ռայդերը հայտնել էր, որ հոկտեմբերի 5-ի առավոտյան տեսել են, որ թուրքական անօդաչուներն ավիահարվածներ են հասցնում սիրիական Հասաքա քաղաքում ամերիկյան զորքերից շուրրջ 1 կմ հեռավորության վրա: Մի քանի ժամ անց թուրքական անօդաչուն մոտեցել է ամերիկյան զորքերից կես կիլոմետրից պակաս հեռավորության վրա, ինչը համարվել է սպառնալիք և խոցվել F-16-ի կողմից:
Ուշագրավ է, որ Թուրքիայի ԱԳՆ-ն հաստատել էր անօդաչուի կորուստը, սակայն նշելով, թե սարքը տեխնիկական խնդիրների պատճառով է կործանվել և չէր ասվել ԱՄՆ զինուժի դերակատարման մասին։
