24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Գազայի հատվածի ավելի քան 187 հազար բնակիչ լքել է տները. երկու կողմից կորուստների թիվը գերազանցում է 1600-ը
Քաղաքականություն
10.10.2023 | 12:40
ՄԱԿ-ի հումանիտար հարցերի համակարգման գրասենյակը (OCHA) հրապարակել է հերթական օպերատիվ թարմացումը Իսրայելում և Գազայի հատվածում վերջին 24 ժամվա ընթացքում տեղի ունեցածի վերաբերյալ։
Պաղեստինցի զինյալները շարունակել են հրթիռակոծել Իսրայելը, իսկ իսրայելական ուժերը երկուշաբթի օրը շարունակել են ինտենսիվ հարվածները ՀԱՄԱՍ-ի դիրքերի վրա։
Երկուշաբթի երեկոյան տվյալներով ՀԱՄԱՍ-ի հարձակման հետևանքով զոհվել է ավելի քան 900 իսրայելցի, ինչպես նաև օտարերկրյա քաղաքացիներ: Իսրայելի առողջապահության նախարարության տվյալներով՝ տուժել է առնվազն 2616 մարդ։
Իսկ Գազայի առողջապահության նախարարության տվյալներով՝ զոհվել է 687 պաղեստինցի, ևս 3800-ը՝ վիրավորվել։
17 պաղեստինցի, այդ թվում՝4 երեխա, սպանվել է իսրայելական բանակի կողմից Հորդանան գետի արևմտյան ափին, 295-ը վիրավորվել է։
Գազայի հատվածից 187 518 բնակիչ է տեղահանվել, այս թիվը կարող է ավելանալ: ՄԱԿ-ի տեղեկություններով տեղահանվածների թիվն ամենաբարձրն է 2014 թվականի էսկալացիայից ի վեր։
