18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Զաքիր Հասանովը ՊՆ-ում խորհրդակցության ընթացքում քննարկել է հայ-ադրբեջանական սահմանին իրավիճակը
Քաղաքականություն
09.10.2023 | 18:41
Ադրբեջանի պաշտպանության նախարար Զաքիր Հասանովի գլխավորությամբ գերատեսչությունում ծառայողական խորհրդակցություն է տեղի է ունեցել։
Ադրբեջանական լրատվամիջոցների փոխանցմամբ՝ հանդիպմանը մասնակցել են նախարարի տեղակալները, զորքերի հրամանատարները, նախարարության գլխավոր վարչությունների և ծառայությունների ղեկավարները։ Տեսակապով հանդիպմանը մասնակցել են նաև զորամիավորումների և կազմավորումների հրամանատարներ։
Հասանովը, ըստ ադրբեջանական կողմի հաղորդագրության, ասել է, որ «ադրբեջանական բանակի հետագա ուժեղացումը անվտանգության ապահովման կարևոր գործոններից է՝ երկրի առաջնահերթ խնդիրներից»։
Հանդիպմանը վերլուծվել է հայ-ադրեջանական սահմանին առկա օպերատիվ իրավիճակը։ Կոնկրետ հանձնարարականներ են տրվել հակաօդային պաշտպանության, հետախուզության և հակահետախուզության, ռադիոէլեկտրոնային և այլ ստորաբաժանումների ուժեղացման ուղղությամբ։ Նշվել է ադրբեջանական բանակում իրականացվող մարտական պատրաստության աշխատանքներում բարձր տեխնոլոգիաների արդյունավետ կիրառման և հատուկ պատրաստված անձնակազմի հնարավորությունների կարևորությունը»։
Էմմա Չոբանյան
