24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Իրանի ԱԳՆ խոսնակը հայտարարել է, թե Կովկասյան տարածաշրջանում Իսրայելի ներկայությունը չի նպաստում անվտանգությանը
Քաղաքականություն
09.10.2023 | 21:58
Իրանի ԱԳՆ խոսնակ Նասեր Քանանին այսօրվա ճեպազրույցում անդրադարձել է Թեհրանի ու Բաքվի հարաբերություններին, ինչպես նաև Կովկասում զարգացումներին, փոխանցում է Mehr գործակալությունը։
Նա նշել է, թե Թեհրանի տեսակետն ու դիրքորոշումը Կովկասի հետ կապված պարզ է՝ Իսրայելի ներկայությունը տարածաշրջանում անվտանգություն չի ստեղծում, և «իսլամական երկրներում սիոնիստական ռեժիմը հետապնդում է իր շահերը՝ ստեղծելով անկայունություն և սրելով տարաձայնություններն իսլամական երկրների միջև»։
Անդրադառնալով Ադրբեջանի նախագահի հատուկ ներկայացուցիչ Խալաֆ Խալաֆովի՝ Թեհրան կատարած այցին՝ Քանանին ասել է. «Այս այցը համահունչ էր երկու երկրների բարձրաստիճան պաշտոնյաների և քաղաքական, տնտեսական ոլորտներում կապերի շարունակականությանը ևԿովկասում զարգացումների թեմային»։
Քանանին տեղեկացրել է, որ Թեհրանում Ադրբեջանի դեսպանատունը վերսկսում է գործունեությունը։
Հիշեցնենք, որ հունվարի 27-ին Իրանում Ադրբեջանի դեսպանատան վրա զինված հարձակման հետևանքով 1 մարդ էր զոհվել, երկուսը՝ վիրավորվել։ Պաշտոնական Բաքուն դեսպանատան վրա իրականացված հարձակումն «ահաբեկչություն» էր որակել։ Միջադեպից հետո Բաքուն տարհանել էր Թեհրանում Ադրբեջանի դեսպանատան աշխատակիցներին, և այս պահին դեսպանատան գործունեությունը դադարեցված է։
Էմմա Չոբանյան
