18.02.2026 | 10:32
NYMEX․ Ոսկու գինը նվազել է 1.92%-ով և կազմել 4874.50 դոլար
Մոսկվան աշխատում է Երևանի և Բաքվի հետ «Մեղրիի երթուղու» ստեղծման ուղղությամբ․ Գալուզին
Քաղաքականություն
09.10.2023 | 12:52
«Մոսկվան աշխատում է Հայաստանի և Ադրբեջանի հետ տրանսպորտային հաղորդակցությունների ապաշրջափակման շուրջ պայմանավորվածություններ ձեռք բերելու ուղղությամբ, մասնավորապես՝ Մեղրիի երթուղու ստեղծման ուղղությամբ, որը Ադրբեջանի հիմնական տարածքը կմիացնի Նախիջևանի հետ»,- RBC-ին տված հարցազրույցում ասել է ՌԴ փոխարտգործնախարար Միխայիլ Գալուզինը։
«Ամեն դեպքում, խոսքը ՀՀ տարածքով երկաթգծի մասին է, այդ պատճառով էլ ես ինձ թույլ կտամ այն անվանել «Մեղրիի երթուղի»։ Այո՛, Ադրբեջանում այն անվանում են «Զանգեզուրի միջանցք»։ Այսպես ասենք, որ այս ձևակերպումը բոլորին հարմար լինի, մենք ակտիվ օգնում ենք մեր ադրբեջանցի ու հայ գործընկերներին, որպեսզի հասնեն պայմանավորվածության»,- ասել է Գալուզինը։
Նրա խոսքով՝ ՌԴ-ն կարծում է, որ այս պայմանավորվածությունը չափազանց կարևոր գործոն կլինի Անդրկովկասում կայունության համար։
