ՄԱԿ-ի Անվտանգության խորհուրդը չի կարողացել միաձայն դատապարտել ՀԱՄԱՍ-ի գործողությունը

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

ՄԱԿ-ի Անվտանգության խորհուրդն արտահերթ նիստում չի կարողացել միաձայն դատապարտել պաղեստինյան արմատական իսլամական ՀԱՄԱՍ շարժմանը։ Հոկտեմբերի 8-ին փակ դռների հետևում կայացած հանդիպման ժամանակ Անվտանգության խորհրդի անդամները չեն կարողացել համաձայնության գալ որևէ որոշման շուրջ, հայտնել է ամերիկյան CNN հեռուստաընկերությունը՝ վկայակոչելով դիվանագետներին։

«Ես չեմ ցանկանում մանրամասնել, թե իրականում ինչ է քննարկվել ճեպազրույցում, սակայն կան մի շարք երկրներ, որոնք դատապարտել են ՀԱՄԱՍ-ի գրոհայինների հարձակումները»,- ՄԱԿ-ում ԱՄՆ մշտական ներկայացուցչի տեղակալ Ռոբերտ Վուդի խոսքերն է վկայակոչում CNN-ը։

Միաժամանակ, Վուդը հավելել է, որ ակնհայտորեն «ոչ բոլոր պետություններն են պատրաստ դատապարտել ՀԱՄԱՍ-ի ագրեսիան»։

Ամերիկացի դիվանագետի խոսքով՝ ԱՄՆ-ը դեռևս ՄԱԿ-ի բարձրագույն մարմնի նիստից առաջ հասկացրել է, որ ակնկալում է ՀԱՄԱՍ-ի գործողությունների միաձայն դատապարտում։

«Կարևոր է, որ համաշխարհային հանրությունը խստորեն դատապարտի այս չհրահրված ներխուժումը և ահաբեկչական հարձակումներն ու գործողությունները, որոնք տեղի են ունեցել և շարունակում են տեղի ունենալ»,- ասել է Ռոբերտ Վուդը:

ՀԱՄԱՍ-ի զինյալները հոկտեմբերի 7-ի առավոտյան հանկարծ սկսել են Գազայի հատվածից հրթիռներ արձակել Իսրայելի ուղղությամբ։ Միաժամանակ, պաղեստինյան զինված ուժերը ցամաքային, օդային և ծովային ճանապարհով ներխուժել են Իսրայելի տարածք և հարձակվել սահմանամերձ մի շարք համայնքների բնակիչների վրա։

Նրանք ոչ միայն սպանել են հարյուրավոր իսրայելցիների, այլև, ըստ իսրայելական կողմի, առևանգել ու Գազայի հատված են տարել ավելի քան հարյուր մարդու, այդ թվում՝ կանանց, երեխաների ու ծերերի։ Ի պատասխան՝ իսրայելական ավիացիան հարվածներ է հասցրել Գազայում ՀԱՄԱՍ-ի օբյեկտներին։