ԼՂ-ում ռուս խաղաղապահ զորախմբի առաքելությունը չի սպառել իրեն․ ՌԴ ԱԳ փոխնախարար

Լուրեր

22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
Բոլորը

ՌԴ ԱԳ փոխնախարար Միխայիլ Գալուզինը ՌԲԿ-ի հետ զրույցում անդրադարձել է ԼՂ-ում ստեղծված իրավիճակին և ռուս խաղաղապահ զորախմբին։

Նա հայտարարել է, որ սեպտեմբերի 20-ին ռազմական գործողությունների դադարեցման համաձայնությունը ձեռք է բերվել ռուսական խաղաղապահ զորախմբի միջնորդությամբ, որը տեղակայվել է Ռուսաստանի, Հայաստանի և Ադրբեջանի ղեկավարների եռակողմ պայմանավորվածությունների համաձայն։ «Այսպիսով, Ռուսաստանը շարունակել է  կատարել իր կարևոր կայունացնող դերը Հարավային Կովկասում»,- հայտարարել է Գալուզինը։

«Այսինքն՝ այն իրավիճակը, որ տեսնում ենք հիմա, երբ ռազմական գործողություններ չկան, մեծ մասամբ Ռուսաստանի և նրա խաղաղապահ զորախմբի արժանիքն է։ Միաժամանակ, կարծում եմ, որ կոնֆլիկտային իրավիճակում վերջակետը դեռ չի դրվել։ Եվ այստեղ արդիական է մնում Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների համալիրը։ Խոսքը այնպիսի կարևոր բաղադրիչների շուրջ պայմանավորվածությունների ձեռքբերման մասին է, ինչպիսիք են Հայաստանի և Ադրբեջանի միջև տրանսպորտային հաղորդակցությունների և տնտեսական կապերի ապաշրջափակումը, սահմանի սահմանազատումը դրա հետագա սահմանագծմամբ, խաղաղության պայմանագրի ստորագրումը և շփումների հաստատումը հասարակական գործիչների, փորձագիտական ​​համայնքների, Ադրբեջանի և Հայաստանի խորհրդարանականների միջև։ Այս ամենը միասին վերցրած պետք է հանգեցնի փոխադարձ ընդունելի նորմալացման պայմանների, որոնք կամրագրվեն ապագա համաձայնագրում»,-ասել է Գալուզինը։

Թեպետ Արցախը Բաքվի ագրեսիայի հետևանքով հայաթափվել է, իսկ բնակչությունն էլ բռնի տեղահանվել, ըստ ՌԴ ԱԳ փոխնախարարի՝ ռուս խաղաղապահների դերը դեռևս արդիական է մնում։

«Գետնի վրա իրավիճակը բավականին հեղհեղուկ է։ Ղարաբաղի բնակիչներից շատերը (Արցախում ամբողջ բնակչությունը բռնի տեղահանվել է, տեղում մնացել է 100-ից էլ քիչ մարդ) իրենց համար դժվար որոշում են կայացրել հեռանալ այս վայրերից։ Բայց միևնույն ժամանակ ես ելնում եմ նրանից, որ ռուսական խաղաղապահ զորախմբի առաքելությունը մնում է ավելի քան պահանջված։ Ռուսական խաղաղապահ զորախումբը մեծ դեր է խաղացել, առաջին հերթին, սեպտեմբերի 20-ին զինադադարի հասնելու և Ղարաբաղի բնակիչներին օգնություն ցուցաբերելու գործում՝ մինչ նրանց զանգվածային դուրսբերումը Ղարաբաղից»,-ասել է Գալուզինը։

«Առաջինը, մնում է հարցը, որ իրենց հանգիստ զգան Ղարաբաղի այն բնակիչները, որոնք մնացել են։ Չի կարելի բացառել, որ  Ղարաբաղից հեռացածներից ոմանք ինչ-որ փուլում որոշեն վերադառնալ։ Իսկ խաղաղապահների առկայությունը այս մարդկանց համար կդառնա հանգստության լրացուցիչ գործոն։ Այնպես որ, ես չէի ասի, թե Ղարաբաղում ռուսական խաղաղապահ զորախմբի գործունեությունը սպառել է իրեն։ Մոսկվայի և Բաքվի միջև հաստատված խողովակներով կքննարկվի և կլուծվի այն հարցը, թե ինչպիսին կարող է լինել այս զորախմբի հետագա մնալու եղանակները»,-հայտարարել է ՌԴ ԱԳ նախարարը։

Էմմա Չոբանյան