17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
ԱՄՆ-ն իր ռազմանավերն ու կործանիչները մոտեցնում է Իսրայելի տարածքին
Քաղաքականություն
09.10.2023 | 11:33
ԱՄՆ պաշտպանության նախարար Լլոյդ Օսթինը հայտարարել է, որ ԱՄՆ-ը մի քանի ռազմանավեր և ինքնաթիռներ կուղարկի Իսրայելին ավելի մոտ՝ ի նշան աջակցության։ Վաշինգտոնը նշում է, որ այս երկրի վրա ՀԱՄԱՍ-ի հարձակումն իրականացվել է «Իսրայելի և Սաուդյան Արաբիայի միջև հարաբերությունների հնարավոր կարգավորումը խաթարելու նպատակով», գրում է VOA-ն։
ՀԱՄԱՍ-ի զինյալները շաբաթ օրը հարձակվել են իսրայելական քաղաքների վրա՝ սպանելով առնվազն 700 մարդու։ Կիրակի օրը Իսրայելը օդային հարվածներ է հասցրել Գազայի հատվածին, ինչի հետևանքով զոհվել է մոտ 370 պաղեստինցի։
«Իմ մտքերը Իսրայելի ժողովրդի և բազմաթիվ ընտանիքների հետ են, ովքեր կորցրել են իրենց հարազատներին ՀԱՄԱՍ-ի սարսափելի ահաբեկչության ժամանակ», – ասված է ԱՄՆ պաշտպանության նախարարի հայտարարության մեջ: Օսթինը հավելել է, որ Միացյալ Նահանգները զինամթերք կմատակարարի Իսրայելին։ Նրա խոսքով, Պենտագոնը տարածաշրջան կուղարկի նաև կործանիչնե, Իսրայելին ավելի մոտ կտեղակայվի նաև ավիակիրների հարվածային խումբ։
ԱՄՆ նախագահ Ջո Բայդենը կիրակի օրը Իսրայելի վարչապետ Բենիամին Նեթանյահուին ասել էր, որ լրացուցիչ օգնությունը ճանապարհին է և առաջիկա օրերին այն կավելացվի:
