30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
Իսրայելի բանակը հաստատում է, որ Գազայի հատվածում պատանդներ են պահվում
07.10.2023 | 19:57
Իսրայելական բանակը հաստատել է, որ ՀԱՄԱՍ խմբավորման զինյալները, որոնք մուտք են գործել Իսրայելի տարածք, պատանդներ են վերցրել և տեղափոխել Գազայի հատված:
BBC-ի թղթակցի հաղորդմամբ՝ պատանդների թիվը կարող է հասնել մի քանի տասնյակի: Նրանցից մի քանիսը գտնվում են Գազայի հատվածի մոտ գտնվող փոքր քաղաքներում, մի մասը տեղափոխվել է Գազա։
ՀԱՄԱՍ-ը պնդում էր, որ գերեվարվել է 53 մարդ։ Իսրայելի բանակը չի մեկնաբանում գերիների ճշգրիտ թվի մասին լուրերը, սակայն հերքում է լուրերը, որ գերեվարվածների թվում է իսրայելական բանակի գեներալը։
ՀԱՄԱՍ-ի քաղաքական թևի տեղակալ Սալեհ Ալ-Արուրին հայտարարել է, որ պաղեստինցիների գերության մեջ են իսրայելական բանակի բարձրաստիճան սպաներ: Նա «Ալ-Ջազիրա» հեռուստաալիքին ասել է. «Այն, ինչ ունենք, թույլ կտա ազատ արձակել բոլոր բանտարկյալներին»: Խոսքը Իսրայելի բանտերում գտնվող պաղեստինցիների հնարավոր փոխանակման մասին է իսրայելցիների հետ։
«Սպանվել են շատ պաղեստինցիներ, զոհվել են շատ իսրայելցիներ, շատերը գերեվարվել են, ճակատամարտը թեժ է»,- հայտարարել է ՀԱՄԱՍ-ի ներկայացուցիչը:
Իսրայելական B ‘Tselem իրավապաշտպան խմբի վերջին հաղորդագրության համաձայն ՝ Իսրայելի բանտերում, անվտանգության նկատառումներից ելնելով, գտնվում է 4499 բանտարկյալ: Եվս մի քանի հարյուր մարդ ձերբակալվել է Իսրայելում առանց թույլտվության գտնվելու համար:
Նախկինում իսրայելցիների գերության հազվագյուտ դեպքերը փոխանակման շուրջ երկար բանակցությունների առարկա էին դարձել։ Առավել հայտնի է 2006 թվականի հունիսի վերջին գերեվարված զինծառայող Գիլադ Շալիթի պատմությունը։
Նրա ազատ արձակման շուրջ բանակցություններն ավարտվել են միայն 2011-ին և Շալիթի հետ փոխանակել են ավելի քան հազար պաղեստինցի բանտարկյալների, այդ թվում՝ նրանց, ովքեր ցմահ պատիժ էին կրում Իսրայելում դիվերսիոն գործողություններ նախապատրաստելու կամ իրականացնելու համար:
