06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Հայաստանը չի մասնակցում Ղրղզստանում մեկնարկած ՀԱՊԿ զորավարժություններին
Քաղաքականություն
06.10.2023 | 18:42
Ղրղզստանի հյուսիսում գտնվող Բալիկչի քաղաքի մոտ այսօր՝ հոկտեմբերի 6-ին մեկնարկել են ՀԱՊԿ անդամ պետությունների «Անխախտ եղբայրություն» կոչվող զորավարժությունները։ Այս մասին տեղեկանում ենք Ղրղզստանի Պաշտպանության նախարարության պաշտոնական կայքից։
Հայաստանը չի մասնակցում զորավարժություններին․ Ղրղզստանի ՊՆ հաղորդագրության մեջ մեր երկրի անունը չկա։
Factor TV-ն փորձեց ՀՀ Պաշտպանության նախարարությունից պարզել ՀԱՊԿ զորավարժությունների Հայաստանի չմասնակցելու պատճառը, սակայն ՊՆ խոսնակ Արամ Թորոսյանն ասաց՝ դիմեք գրավոր։
ՀԱՊԿ անդամ մյուս հինգ երկրների մասնակցությամբ «Անխախտ եղբայրություն» զորավարժությունները տևելու են մեկ շաբաթ։
