24.07.2026 | 15:46
Եղվարդում ապօրինի հրաձգարան և մեծաքանակ զենք-զինամթերք են հայտնաբերվել․ 1 անձ ձերբակալվել է
Թեհրանը և Բաքուն Իրանի տարածքով Նախիջևանն ու Ադրբեջանը կապող նոր հաղորդակցման ուղի են կառուցում
Քաղաքականություն
06.10.2023 | 19:54
Կովսականի շրջանի Աղբենդ գյուղի մոտ տեղի է ունեցել Ադրբեջանի և Իրանի միջև ճանապարհային կամրջի և սահմանային-մաքսային ենթակառուցվածքի հիմնարկեքի արարողությունը։ Ադրբեջանական լրատվամիջոցների հաղորդմամբ՝ ճանապարհային կամրջի կառուցումն իրականացվում է նոր հաղորդակցական կապեր ստեղծելու մասին Ադրբեջանի և Իրանի կառավարությունների միջև փոխըմբռնման հուշագրի իրականացման շրջանակներում։
Հիմարկեքի արարողությանը մասնակցել են Ադրբեջանի փոխվարչապետ Շահին Մուստաֆաևն ու Իրանի ճանապարհների և քաղաքաշինության նախարար Մեհրդատ Բազրփաշը։ Արարողությանը նշվել է, որ ստեղծված ավտոմոբիլային և սահմանամաքսային ենթակառուցվածքները կծառայեն երկրների տարածքով տարանցիկ բեռնափոխադրումների ավելացմանն ու Նախիջևան մուտքի դյուրացմանը։
«Այս ճանապարհը սպասարկելու է նաև տարանցիկ փոխադրումները։ Սա կարևոր է և՛ Ադրբեջանի, և՛ Իրանի, և՛ ամբողջ տարածաշրջանի համար»,- ասել է Մուստաֆաևը։
Նրա խոսքով՝ բացի մայրուղուց՝ այս հատվածում նախատեսվում է երկաթուղային կամրջի կառուցում։ Բոլոր աշխատանքները կավարտվեն մեկ տարվա ընթացքում:
Մուստաֆաևի նշել է նաև, որ Նախիջևանի հետ կապը ստեղծվելու է Իրանի տարածքով անցնող կամուրջներով։
Հիշեցնենք, որ 2022 թվականի մարտին Ադրբեջանի և Իրանի կառավարությունները փոխըմբռնման հուշագիր էին ստորագրել՝ Արցախի գրավյալ տարածքների և Նախիջևանի Ինքնավար Հանրապետության միջև Իրանի տարածքով հաղորդակցության նոր կապեր հաստատելու վերաբերյալ։
Էմմա Չոբանյան
