16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արցախի դեմ սեփական ագրեսիայի հետևանքով Ադրբեջանի կորուստների թիվն աճում է
Քաղաքականություն
06.10.2023 | 22:30
Արցախի դեմ սեպտեմբերի 19-ին Բաքվի ագրեսիայի հետևանքով ադրբեջանական կողմի զոհերի թիվն ավելանում է։ Մասնավորապես, տեղական լրատվամիջոցները հայտնում են, որ մահացել է ծանր վիրավորում ստացած ՆԳՆ արագ արձագանքման գնդի ոստիկան Ազիզբեյ Մուրադովը։ Նա եղել է նաև Արցախի դեմ Բաքվի սանձազերծած 44-օրյա պատերազմի մասնակից ու պարգևատրվել մեդալնելով։
Նշենք, որ ավելի վաղ Ադրբեջանի ՊՆ-ն զոհվածների ցուցակում ևս 5 զինծառայողի անուն էր ավելացրել։ Օրերս էլ Ադրբեջանը հայտնել էր 6 զինծառայողի մահվան մասին։
Ադրբեջանի ՊՆ զոհվածների ցուցակում կար 191 զինվորական, իսկ ՆԳՆ-ի ցուցակում՝ 12 զինվորական։ Ընդհանուր առմամբ, ստացվում է, որ ադրբեջանական կորուստների թիվը 204 է։
Միաժամանակ, ըստ պաշտոնական տվյալների՝ վիրավորվել է 511 զինվորական ու քաղաքացիական անձ, մեկ քաղաքացիական անձ էլ զոհվել է։
Էմմա Չոբանյան
