20.06.2026 | 00:21
Կոտրված ապակիներ, մարմնական վնասվածքներ, խցանումներ․ ինչ վնաս է հասցրել կարկուտը Գյումրիում. ՏԵՍԱՆՅՈՒԹ
Քննարկվել է Լեռնային Ղարաբաղից բռնի տեղահանված երեխաներին հանրակրթության մեջ ներգրավումն ու նրանց մասնագիտական աջակցության ապահովումը
Հասարակություն
06.10.2023 | 14:11
ՀՀ ԿԳՄՍ նախարարի տեղակալ Արաքսիա Սվաջյանը Հանրապետական մանկավարժահոգեբանական կենտրոնում (ՀՄԿ) հանդիպել է տարածքային մանկավարժահոգեբանական աջակցության կենտրոնների (ՏՄԱԿ) տնօրենների և ՀՄԿ անձնակազմի հետ․ տեղեկացնում են ՀՀ ԿԳՄՍՆ-ից։
Հանդիպման առանցքային թեման Լեռնային Ղարաբաղից բռնի տեղահանված երեխաներին հանրակրթության մեջ ներգրավումն ու նրանց մասնագիտական աջակցության ապահովումն էր։
Արաքսիա Սվաջյանն անդրադարձել է այս առնչությամբ ի հայտ եկած խնդիրներին ու դրանց հաղթահարման համար անհրաժեշտ միջոցներ ձեռնարկելու անհրաժեշտությանը։
Քննարկման ընթացքում ՏՄԱԿ-ների տնօրենները ներկայացրել են մանկավարժահոգեբանական աջակցության տրամադրման գործընթացի արդյունավետ կազմակերպման վերաբերյալ իրավիճակից բխող առաջարկություններ։
Հանդիպման ընթացքում քննարկվել են նաև ՀՄԿ-ի կողմից նախատեսվող հանրակրթական դպրոցների մանկավարժների և հոգեբանների համար վերապատրաստումների կազմակերպմանը վերաբերող մի շարք հարցեր։
