25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Իրանն ու Ադրբեջանը ծրագրում են Կասպից ծովում ռազմածովային զորավարժություններ անցկացնել
Քաղաքականություն
04.10.2023 | 20:56
Ադրբեջանն ու Իրանը նախնական պայմանավորվածություն են ձեռք բերել Կասպից ծովում համատեղ ռազմածովային զորավարժություններ անցկացնելու վերաբերյալ: Այս մասին հայտնում է Ադրբեջանի Պաշտպանության նախարարությունը։
Նշվում է, որ Ադրբեջանի ռազմածովային ուժերի հրամանատար, փոխծովակալ Սուբհան Բեքիրովը Բաքվում հանդիպել է Իրանի ՌԾՈՒ ռազմածովային գործողությունների հրամանատար, Մոհամմադ Ռեզա Խազայիի գլխավորած պատվիրակության հետ։
Հանդիպմանը քննարկվել է «Խազրի-2023» զորավարժությունների նշանակությունը, ընդգծվել ապագայում Կասպից ծովում Ադրբեջանի և Իրանի ռազմածովային ուժերի համատեղ զորավարժությունների անցկացման կարևորությունը, ինչի կապակցությամբ ձեռք է բերվել նախնական պայմանավորվածություն։ Նաև քննարկվել են երկու երկրների ռազմածովային ուժերի միջև համագործակցության զարգացման հեռանկարները։
Իրանական պատվիրակությունը ժամանել է Բաքու՝ որպես դիտորդ մասնակցելու Ադրբեջանի և Ղազախստանի ռազմածովային ուժերի «Խազրի-2023» համատեղ մարտավարական զորավարժություններին, որոնք ավարտվելու են հոկտեմբերի 8-ին։
Էմմա Չոբանյան
