02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ԱՄՆ Կոնգրեսի Ներկայացուցիչների պալատը պատմության մեջ առաջին անգամ պաշտոնանկ է արել խոսնակին
Քաղաքականություն
04.10.2023 | 16:18
ԱՄՆ Ներկայացուցիչների պալատը գոյության պատմության մեջ առաջին անգամ պաշտոնանկ է արել խոսնակին՝ հանրապետական Քևին Մաքքարթիին։ Աջ արմատական կուսակցության անդամների մի փոքր խումբ դեմ է արտահայտվել նրան, իսկ Դեմոկրատական կուսակցությունն իր ձայներով օգնել է հեռացնել սեփական առաջնորդին, գրում է BBC-ի ռուսական ծառայությունը։
Ի վերջո, 216 կոնգրեսական, այդ թվում՝ միայն ութ հանրապետական, կողմ է քվեարկել Քևին Մաքքարթիի հրաժարականին, իսկ 210-ը՝ դեմ։
Քևին Մաքքարթին շաբաթ օրը կարողացավ համաձայնության գալ ժամանակավոր բյուջեի ընդունման շուրջ, որը կանխեց պետության և դեմոկրատ նախագահ Ջո Բայդենի վարչակազմի «շաթդաունի» սպառնալիքը, միևնույն ժամանակ, զայրացրեց նրա արմատական կուսակիցներին: Նրանցից մեկը՝ Ֆլորիդայի ներկայացուցիչ Մեթ Գեյցը, արդեն երկուշաբթի բանաձևի նախագիծ է ներկայացրել խոսնակի հրաժարականի մասին։
Քվեարկությունից հետո Քևին Մաքքարթին ասել է, որ Գեյթսի շարժառիթներն իրականում ոչ մի կապ չունեն բյուջեի հետ, և որ նա պարզապես փորձում է հանրաճանաչություն ձեռք բերել։
Մաքքարթին նաև ասել է, որ մտադիր չէ կրկին առաջադրվել խոսնակի պաշտոնում։
