30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
ՀՀ-ի կողմից Հռոմի ստատուտի վավերացումը ոչ բարեկամական քայլ է Պուտինի և ՌԴ-ի նկատմամբ․ ՌԴ Դաշնային խորհրդի փոխնախագահ
Քաղաքականություն
03.10.2023 | 15:45
Հայաստանի խորհրդարանի կողմից Միջազգային քրեական դատարանի կանոնադրության (Հռոմի ստատուտ) վավերացումը ոչ բարեկամական քայլ է ՌԴ նախագահ Վլադիմիր Պուտինի նկատմամբ։ Այս մասին Telegram-ի իր ալիքում գրել է ՌԴ Դաշնային խորհրդի փոխխոսնակ Յուրի Վորոբյովը։
«Մեծ ափսոսանքով տեղեկացա Հայաստանի խորհրդարանի կողմից Միջազգային քրեական դատարանի Հռոմի ստատուտը վավերացնելու մասին։ Այս որոշումն ընկալվում է որպես ոչ բարեկամական քայլ մեր առաջնորդի՝ Ռուսաստանի նախագահ Վլադիմիր Պուտինի և Ռուսաստանի նկատմամբ։ Հայ խորհրդարանականների որոշումը ոչնչացնում է կառուցողական և վստահելի հարաբերությունները, որոնք ձևավորվել են մեր ռուս-հայկական միջխորհրդարանական հանձնաժողովի աշխատանքների շրջանակում։ Բայց ես վստահ եմ, որ ոչ մի ուժ չի կարողանա քանդել ռուս և հայ ժողովուրդների դարավոր բարեկամությունը»,- գրել է ռուսաստանցի պաշտոնյան։
Հիշեցնենք, որ ՀՀ Ազգային ժողովն այսօր 60 կողմ, 22 դեմ, 0 ձեռնպահ ձայներով վավերացրեց Հռոմի ստատուտը։
