19.12.2025 | 14:45
ՄԱԿ-ի հետ համագործակցության զարգացման փաստաթուղթ է ստորագրվել
Էթնիկ հայերի ճնշող մեծամասնությունը լքել է Լեռնային Ղարաբաղը. Euronews-ի անդրադարձը
Քաղաքականություն
03.10.2023 | 12:37
Լեռնային Ղարաբաղի քաղաքներն ու գյուղերը դատարկվել են։ Իրավիճակը տարածաշրջանում մնում է անկայուն, գրում է Euronews-ը։
Լեռնային Ղարաբաղի գլխավոր քաղաքի երբեմնի աշխույժ փողոցները գործնականում ամայի են: Ստեփանակերտում նկարահանումների ժամանակ օտարերկրյա լրագրողներին ուղեկցել են Ադրբեջանի իշխանությունների ներկայացուցիչները։
Լրատվականը նշում է, որ ԼՂ-ում Ադրբեջանի կողմից իրականացված օպերացիայից հետո ավելի քան 100 հազար էթնիկ հայեր հեռացել են տարածաշրջանից՝ չնայած իրավունքների պաշտպանության վերաբերյալ Բաքվի հավաստիացումներին ու «վերաինտեգրման պլաններին»։ Երևանում հայերի զանգվածային ելքն Արցախից անվանում են էթնիկ զտում։
Մինչ այդ, դեպի Հայաստան մարդկանց հոսքը դանդաղում է։
Իսկ մինչ Ադրբեջանը փորձում է ուժեղացնել իր վերահսկողությունը տարածաշրջանում, իրավիճակը Լեռնային Ղարաբաղում մնում է անկայուն։
Euronews-ը հիշեցնում է նաև, որ երկուշաբթի ՀՀ-ն հայտնեց ադրբեջանական զինուժի գնդակոծության ժամանակ հայ զինծառայողի մահվան և երկու վիրավորի մասին։ Բաքուն այս հայտարարությունն անվանել է բացարձակ սուտ։
