24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Լեռնային Ղարաբաղի կարգավիճակից զատ՝ կան այլ հարցեր, որոնք վիճելի են Հայաստանի և Ադրբեջանի համար․ ԱՄՆ Պետքարտուղարություն
Քաղաքականություն
03.10.2023 | 11:07
ԱՄՆ Պետքարտուղարությունը Հայաստանի և Ադրբեջանի միջև խաղաղության հասնելու հնարավորություն է տեսնում, սակայն Երևանի և Բաքվի միջև, Լեռնային Ղարաբաղի կարգավիճակից զատ, կան այլ հարցեր, որոնք պետք է լուծվեն։ Այս մասին ճեպազրույցի ժամանակ հայտարարել է ԱՄՆ Պետքարտուղարության խոսնակ Մեթյու Միլլերը։
«Լեռնային Ղարաբաղի կարգավիճակից զատ՝ կան այլ հարցեր, որոնք վիճելի են Հայաստանի և Ադրբեջանի համար, և մենք կքաջալերենք նրանց վերադառնալ խաղաղ բանակցությունների սեղանի շուրջ՝ քննարկելու և, ի վերջո, լուծում տալու այդ հարցերին»,- նշել է Մեթյու Միլլերը:
Անդրադառնալով Արցախում ՄԱԿ-ի առաքելությանը՝ ամերիկացի պաշտոնյան նշել է, որ ԱՄՆ շարունակում է աշխտաել դաշնակիցների հետ՝ ավելի երկարաժամկետ առաքելության ուղղությամբ։
«Առաջին հերթին, մենք ողջունում ենք այդ առաքելությունը: Մենք շարունակում ենք աշխատել մեր դաշնակիցների և գործընկերների հետ, թե ինչպիսին պետք է լինի ավելի երկարաժամկետ առաքելությունը: Ես այսօր դրա վերաբերյալ որևէ այլ տեղեկություն չունեմ»,- ասել է Միլլերը՝ նշելով, որ Լեռնային Ղարաբաղ վերադառնալ ցանկացողների իրավունքները պետք է հարգվեն, և որ պետք է լինի միջազգային դիտորդական առաքելություն՝ դա ապահովելու համար:
