20.06.2026 | 00:21
Կոտրված ապակիներ, մարմնական վնասվածքներ, խցանումներ․ ինչ վնաս է հասցրել կարկուտը Գյումրիում. ՏԵՍԱՆՅՈՒԹ
Իրանը լայնածավալ վարժանքներ կանցկացնի մարտական անօդաչու թռչող սարքերի ներգրավմամբ
Քաղաքականություն
02.10.2023 | 16:10
Իրանի բանակը լայնածավալ զորավարժություններ կանցկացնի ռազմական անօդաչու սարքերի կիրառմամբ, հայտնում է Mehr գործակալությունը։
Զորավարժություններին կմասնակցեն Իսլամական Հանրապետության ցամաքային, ռազմածովային, ռազմաօդային և հակաօդային պաշտպանության զորքերի զինվորական անձնակազմը՝ օգտագործելով հայրենական արտադրության հարձակողական և հետախուզական անօդաչու թռչող սարքերի լայն տեսականի։
Առաջիկա օրերին զորավարժությունները կընդգրկեն Կենտրոնական և Հարավային Իրանի մեծ տարածք։
«Իրանցի ինժեներները վերջին տարիներին ուշագրավ առաջընթաց են գրանցել հայրենական ռազմական տեխնիկայի լայն տեսականու, այդ թվում՝ անօդաչու թռչող սարքերի արտադրության գործում՝ երկրի զինված ուժերը դարձնելով ինքնաբավ: Օգոստոսին Իրանի Պաշտպանության նախարարության ներկայացուցիչը հայտնել էր, որ մի շարք եվրոպական երկրներ դիմել են իրանական անօդաչու թռչող սարքերի գնման հարցով»,- նշում է իրանական գործակալությունը։
