26.04.2026 | 18:54
Գերմանիայում հետաքննում են ընդդեմ Բունդեսթագի կազմակերպված ֆիշինգային հարձակումները՝ Signal-ի միջոցով
«Սասնա ծռեր» խմբի ևս երկու անդամ գրավի դիմաց ազատ արձակվեց
Հասարակություն
20.07.2018 | 14:15
Երևան քաղաքի ընդհանուր իրավասության դատարանի Շենգավիթի նստավայրում այսօր դատավոր Արշակ Վարդանյանի նախագահությամբ կայացած նիստում «Սասնա ծռեր» խմբի անդամներից ևս երկուսն ազատ արձակվեցին։
Նիստի մեկնարկին Հանրային պաշտպան Արմինե Ֆանյանը դատարանին միջնորդեց իր պաշտպանյալներ Գևորգ Իրիցյանի և Թաթուլ Թամրազյանի խափանման միջոց կալանավորումը փոխել գրավով։ Դատարանը բավարարեց միջնորդությունը՝ Գևորգ Իրիցյանը և Թաթուլ Թամրազյանն ազատ արձակվեցին 500 000 ՀՀ դրամ գրավի դիմաց։
Նիստը հետաձգվեց բացակա ամբաստանյալների ներկայությունը ապահովելու նպատակով, հաջորդ նիստը տեղի կունենա հուլիսի 27-ին։
