06.06.2026 | 14:49
Անօդաչու թռչող սարքեր և հատուկ տեխնիկա․ ընտրություններից առաջ Հակակոռուպցիոն կոմիտեն լայնածավալ գործողություններ է իրականացնում
Մենք լուրջ խնդիրներ ենք կուտակել շրջափակման 10 ամիսների ընթացքում. ԿԳՄՍ նախարար. ՏԵՍԱՆՅՈՒԹ
Հասարակություն
27.09.2023 | 16:55
Մենք լուրջ խնդիրներ ենք կուտակել շրջափակման 10 ամիսների ընթացքում, երբ որ ԼՂ-ն շրջափակված էր՝ Լաչինի միջանցքի փակման հետևանքով։ Հատկապես ձմռան ամիսներին կրթական հաստատությունները հիմնականում չէին գործում ջեռուցման բացակայության պատճառով։ Սննդի մատակարարման բացակայության պատճառով մեծ խնդիրներ էին առաջանում նախադպրոցական հաստատությունների գործունեության հարցում։ Այսօր այս մասին ասուլիսի ժամանակ հայտարարեց ԿԳՄՍ նախարար Ժաննա Անդրեասյանը:
«Մշտական կապի մեջ ենք եղել և շարունակում ենք կապի մեջ լինել ԼՂ մեր գործընկերների հետ՝ բոլոր հարցերով։ Ունեինք ուսանողներ, որոնք Լաչինի միջանցքի փակումից հետո մնացել էին ԼՂ-ում, և այս ընթացքում նրանց դասավանդման գործընթացը հեռավար էր կազմակերպվում։
Մենք նաև համատեղ լուծումներ գտանք և կազմակերպեցինք ընունելության քննությունները ամառվա ընթացքում։
Այժմ փորձում ենք տվյալների փոխանակմամբ ավելի հստակ պատկերացում կազմել, օրինակ, այստեղ գտնվող ուսուցիչների, երեխաների մասին։ Աշխատանքները շարունակվում են, հաշվի առնելով այսօրվա բարդությունները, որոշակի ժամանակ կպահանջվի»,- նշեց նախարարը։
Մանրամասները՝ տեսանյութում։
