14.10.2026 | 14:35
«Մաթեմատիկա» առարկայի միասնական քննության օրը տեղափոխվում է
Խստիվ արգելվում է հացահատիկային մշակաբույսերի հնձած դաշտերում խոզանի այրումը. Բնապահպանության նախարարությունն քաղաքացիներին կոչ է անում զգուշություն ցուցաբերել
19.07.2018 | 19:26
Հաշվի առնելով հանրապետության տարածքում արձանագրված բարձր ջերմային ֆոնը և հրդեհավտանգ իրավիճակը, բնապահպանության նախարար Էրիկ Գրիգորյանն ամռան ակզբին հանձնարարական էր իջեցրել Անտառային կոմիտեի նախագահին և բնության հատուկ պահպանվող տարածքների պահպանություն և կառավարում իրականացնող ոչ պետական առևտրային կազմակերպությունների տնօրեններին՝ անհրաժեշտ կանխարգելիչ միջոցառումներ իրականացնելու նպատակով։
Վերոհիշյալ կառույցների հսկողության տակ գտնվող տարածքներում հակահրդեհային տեխնիկական միջոցները բերված են առաջնային պատրաստվածության վիճակի և շուրջօրյա հերթապահություն է իրականացվում:
Այս իրավիճակում առաջնային է դառնում բնակչության կողմից հակահրդեհային կանոնների պահպանումը։ Բնապահպանության նախարարությունն քաղաքացիներին կոչ է անում զգուշություն ցուցաբերել՝ զերծ մնալով անտառածածկ և խոտածածկ տարածքներում կրակ վառելուց, իսկ ծայրահեղ անհրաժեշտության դեպքում դա անել միայն այդ նպատակով հատկացված վայրում և անվտանգության նորմերի պարտադիր պահպանմամբ։ Խստիվ արգելվում է հացահատիկային մշակաբույսերի հնձած դաշտերում խոզանի այրումը:
