17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Ժամանակը ցույց կտա. Անդրանիկ Թևանյանը` վարչապետի իրենց հնարավոր թեկնածուի մասին․ ՏԵՍԱՆՅՈՒԹ
Քաղաքականություն
20.09.2023 | 21:01
Բոլոր նախորդ իրավիճակները եղել են այլ իրադրության պայմաններում. Մենք հիմա այլ իրողության մեջ ենք ապրում: Այս մասին այսօր՝ սեպտեմբերի 20-ին, Հանրապետության հրապարակում լրագրողների հետ զրուցյում նշեց «Մայր Հայաստան» դաշինքի ղեկավար Անդրանիկ Թևանյանը՝ անդրադառնալով դիտարկմանը, որ նախորդ բողոքի ակցիաների նման երեկ ևս կոնկրետ գործողություններ չարվեցին:
«Հիմա ավելի վատ վիճակ է առաջացել և կարծում եմ՝ հանրային ավելի լայն զանգվածայնությունը պետք է բերի փոփոխության: Իսկ եթե ռադիկալ գործողություն եք ասում, ես՝ ինքս, կողմնակից եմ առանց ցնցումների ամբողջական իշխանափոխության, որը կունենա զանգվածայնություն: Սա է իմ մոտեցումը»,-ասաց Թևանյանը։
Անդրադառնալով հարցին, որ երբ Արցախն այլևս գոյություն չունի, ի՞նչ փոփոխության են գնալու, իշխանափոխությունից հետո Արցախը հե՞տ են բերելու, Թևանյանը պատասխանեց. «Մենք այսօր Հայաստանի կորստի խնդիր ունենք: Մեր գործողությունները լինելու են այն, որ մենք մարդկանց ներգրավենք պրոցեսի մեջ: Մենք անում ենք մաքսիմալ հնարավորը»:
«Մենք չենք մարել ժողովրդի հույսը․․․ Մենք պետք է ժողովրդի հետ լինենք: Մենք գործողությունը չենք պատկերացնում հարձակումներով, մենք գործողությունը պատկերացնում ենք մարդկանց զանգվածայնություն ապահովելով իշխանափոխություն իրականացնելով, որպեսզի անվտանգության խնդիրները լուծենք: Մնացածը դեմագոգիա է: բոլորն այդ տեսակետն ունեն, որ իմպիչմենտի համար զանգվածայնություն է պետք»,-հավելեց Թևանյանը։
Անդրադառնալով հարցին, թե ով է վարչապետի իրենց հնարավոր թեկնածուն, Թևանյանը նշեց․ «Ժամանակը ցույց կտա»։
Մանրամասները՝ տեսանյութում։
