16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Վստահ ենք՝ ՀՀ քաղաքացին կցուցաբերի իմաստնություն և թույլ չի Թուրքիա-Ադրբեջան-Ռուսաստան թշնամական եռյակին երկիրը հանել վերահսկողությունից․ «Հանրապետություն»կուսակցության կոչը
Քաղաքականություն
19.09.2023 | 18:31
«Հանրապետություն»կուսակցության քաղաքական խորհուրդը կոչով դիմել է հանրությանը։
««Հանրապետություն» կուսակցությունը ներքին հանդուրժողականության և համամբման կոչ է անում մեր հանրությանը։
Մեր հակադրություններից միանշանակ օգտվելու են Հայաստանի Հանրապետության թշնամիները՝ փորձելով պատերազմը տեղափոխել մեր տարածք, նպատակ ունենալով ուժային ճանապարհով բացել Նախիջևանին կապող միջանցքը և զրկել Հայաստանը ինքնիշխանությունից, վերածելով ՌԴ նահանգի։
ՀՀ բոլոր քաղաքացիներին, քաղաքական կուսակցություններին և հասարակական կազմակերպություններին կոչ ենք անում զերծ մնալ հավաքներ կազմակերպելուց և հանրային միջոցառումներին մասնակցելուց։ Ստեղծված վիճակի լուծումն արտաքին դաշտում նպատակամղված և ճկուն աշխատելու մեջ է։ Վստահ ենք, որ ՀՀ քաղաքացին կցուցաբերի իմաստնություն և թույլ չի Թուրքիա-Ադրբեջան-Ռուսաստան արդեն ակնհայտ թշնամական եռյակին ներքին հակադրություններ հրահրելով, երկիրը հանել վերահսկողությունից»,- ասված է տարածված հաղորդագրությունում։
ՀՀ բոլոր քաղաքացիներին, կուսակցություններին և ՀԿ-ներին կոչ ենք անում զերծ մնալ հավաքներ կազմակերպելուց
