04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Ստացել ենք ահազանգեր՝ մանկավարժներին պարտադրել են մասնակցել Ավինյանի հետ հանդիպումներին. Նորիկյան․ ՏԵՍԱՆՅՈՒԹ
Քաղաքականություն
15.09.2023 | 13:53
Երևանի ավագանու այս ընտրությունները մրցակցային հնարավոր չէ անվանել: Այս մասին այսօր լրագրողների հետ զրույցում նշե «Արդար Հայաստան» կուսակցության Երևանի քաղաքապետի թեկնածու Նորիկ Նորիկյանը:
Նորիկյանը հայտարարեց՝ ստացել են ահազանգեր այն մասին, որ Աջափնյակ վարչական շրջանում Տիգրան Ավինյանի բակային հանդիպումներին մասնակցելու համար դպրոցների տնօրենների մակարդակով պարտադրվել, հորդորվել է մանկավարժական կոլեկտիվներին՝ մասնակցել այդ հանդիպումներին:
Նախկին իշխանությունների օրոք կային բառակապակցություններ՝ թաղի խուժան, կրիմինալ, թաղային հեղինակություններ։ Ես ամենայն պատասխանատվությամբ հայտարարում եմ, որ այդ շերտը, որոշ նրբերանգներով, լատենտ կերպով ամբողջությամբ ներգրավված է ՔՊ-ի օգտին ձայներ հավաքելու գործընթացին: Պարզապես, եթե նախկին իշխանության օրոք դա արվում էր ավելի ցինիկ, բացահայտ, լպիրշ կերպով, հիմա այդ ամենն իրականացվում է փաթեթավորված, գեղեցիկ, ոչ տեսանելի:
Այսինքն՝ գործող իշխանությունը նախորդ իշխանությունների տրամաբանական շարունակությունն է, վերջին 5 տարում չի իրականացվել որևէ համակարգային բարեփոխում»,- նշեց «Արդար Հայաստան» կուսակցության Երևանի քաղաքապետի թեկնածուն։
Մանրամասները՝ տեսանյութում։
