22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգնեցին դատարանի առաջ. ՄԻԵԴ վճիռն անտեսվեց. ՏԵՍԱՆՅՈՒԹ
Ադրբեջանը սահմանի երկայնքով զորքեր է կուտակում․ մենք պետք է զգոն լինենք ռազմական գործողությունների հարցում․ Մենենդեսը՝ Սենատում․ ՏԵՍԱՆՅՈՒԹ
Քաղաքականություն
14.09.2023 | 18:41
ԱՄՆ Սենատի արտաքին հարաբերությունների հանձնաժողովում Լեռնային Ղարաբաղում ճգնաժամի գնահատման վերաբերյալ լսումների ժամանակ հանձնաժողովի նախագահ Բոբ Մենենդեսը ներկայացրեց Արցախում ստեղծված իրավիճակը։
Նա նշել է, որ Ադրբեջանը սահմանի երկայնքով զորքեր է կուտակում, և կոչ արեց զգոնություն դրսևորել։
«Ադրբեջանը սահմանի երկայնքով զորքեր է կուտակում, մենք պետք է զգոն լինենք ռազմական գործողությունների առումով: Ինչպես տեսնում ենք՝ այդքան մարդու կյանք մազից է կախված։ ՄՔԴ նախկին դատախազ Լուիս Մորենո Օկամպոն վերջերս զեկույց է գրել․ «Սովը անտեսանելի ցեղասպանության զենք է։ Առանց անմիջական կտրուկ փոփոխությունների՝ մի խումբ հայեր կոչնչանան մի քանի շաբաթից»։ Մի քանի շաբաթ։ Ահա թե ինչքան ժամանակ մենք ունենք»,- հայտարարեց Մենենդեսը։
Նա նաև հավելեց, որ ԱՄՆ-ի ուղերձը պետք է հստակ լինի։
«Բարձր մակարդակով մեր ուղերձը պետք է միանշանակ լինի. այն է՝ դադարեցնել շրջափակումը, դադարեցնել սպառնալիքները Լեռնային Ղարաբաղի ժողովրդի նկատմամբ, դադարեցնել սպառնալիքները Հայաստանի նկատմամբ, անմիջապես բացել Լաչինի միջանցքը, պահպանել 2020թ. նոյեմբերի 9-ի հայտարարությամբ Ադրբեջանի ստանձնած պարտավորությունները»,- ասաց ամերիկացի սենատորը:
Մանրամասները՝ տեսանյութում։
