13.12.2024 | 09:49
Փաշինյանն աշխատանքային այցով մեկնել է Ռուսաստան
MAN ավտոբուսների համար վարկը վերցրել է Կառավարությունը․ բարով մաշեն․ Սանոսյան. ՏԵՍԱՆՅՈՒԹ
Տնտեսություն
13.09.2023 | 20:51
Թեև Երևանի բյուջեն մեծ է, և շատ ծրագրեր կարողանում է ինքնուրույն անել, բայց մեծ են նաև խնդիրները, և Կառավարությունն անմասն չի մնացել Երևան համայնքին բազմաթիվ ծրագրերով օգնելով, աջակցելով։ Այս մասին ԱԺ-Կառավարություն հարցուպատասխանի ժամանակ նշեց ՏԿԵ նախարար Գնել Սանոսյանը։
Նրա խոսքոով՝ այդ աջակցությունը միայն ֆինանսական չէ։ Դրանց մի մասը Կառավարության որոշումներ են, որոնք բերել են առավել արդյունավետ կառավարման և մի շարք խնդիրների լուծման։
Սանոսյանն ընդգծեց, որ միայն ՏԿԵ նախարարության միջոցով 2018-23թթ․ Երևանին տրամադվել է 222 միլիարդ դրամ։
«Մի շարք ծրագրեր են իրականացվել՝ սկսած մետրոի տոմսի ինքնարժեքի փոխհատուցումից մինչև խոշոր ծրագրեր։ Միայն ԱԶԲ-ի միջոցով Երևանում 14 դպրոց է կառուցվելու, 6-ն արդեն կառուցվել է։ Երևանում հսկայական ճանապարհաշինարարական ծրագրեր են իրականացվել։
Կառավարության աջակցությունն անընդհատ մեծանում է մի պարզ պատճառով՝ Երևան համայնքի կատարողականը մեծանում է, իրենք խնդիրը բարձրացնում են, մենք էլ գումար ենք հատկացնում, որպեսզի խնդիրները լուծվեն։ Այս տարի գումար է հատկացվել նաև 473 վերելակների խնդրի լուծման համար։
MAN ավտոբուսների համար 25 միլիոն է տրամադրվել՝ որից 20 մլն վարկ է, 5 միլիոնը դրամաշնորհ․ այդ վարկը 15 տարով վերցրել է Կառավարությունը․ մեր համաքաղաքացիներն էլ բարով մաշեն»,- նշեց Սանոսյանը։
Մանրամասները՝ տեսանյութում։
