01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Դժվա՞ր է ճանապարհային նշաններ դնել․ Երևան-Գյումրի ճանապարհը ամենավտանգավոր ճանապարհահատվածն է․ ՏԵՍԱՆՅՈՒԹ
Քաղաքականություն
12.09.2023 | 12:01
Ազգային ժողովում քննարկվում է Կառավարության կողմից ներկայացված՝ «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին», «ՀՀ քրեական օրենսգրքում լրացում և փոփոխություն կատարելու մասին» օրենքի նախագծերի փաթեթն առաջին ընթերցմամբ ընդունելու մասին հարցը:
Նախագծերի ընդունմամբ ակնկալվում է բարձրացնել ճանապարհների և ճանապարհային ենթակառուցվածքների վնասման հետևանքով պետությանը հասցված վնասի համար նախատեսված տուգանքների չափերը և խստացնել պատասխանատվության միջոցները:
«Երևան-Գյումրի ճանապարհը ամենավտանգավոր ճանապարհահատվածն է, բազմաթիվ վթարներ ու զոհեր ենք ունեցել այդ հատվածում։ Դժվա՞ր է կառուցապատողներին ասել, որ պետք է ճանապարհային ժամանակակից նշաններ դնել,- մտահոգություն արտահայտեց «Քաղաքացիական պայմանագիր» խմբակցության անդամ Սիսակ Գաբրիելյանը։- Ինչո՞ւ է այնպես լինում, որ ասֆալտն անում են, բայց մի քանի ամիս հետո են գծանշաններն արվում։ Մրցույթը միաժամանակ չի՞ լինում անել, որ հենց որ ասֆալտը լինի, հաջորդ օրը գծանշաններն արվեն, ի՞նչ խնդիր կա։ ՃՏՊ մեծ մասը հենց դրա պատճառով է առաջանում»։
Մանրամասները՝ տեսանյութում։
