08.12.2025 | 14:18
Նուբարաշենի ՔԿՀ-ում կոնֆլիկտային իրավիճակ է եղել աշխատակիցների միջև. ՔԿԾ պետ․ ՏԵՍԱՆՅՈւԹ
Հայաստանի ազգային հավաքականը մեկնեց Թուրքիա
07.09.2023 | 13:38
Հայաստանի ֆուտբոլի ազգային հավաքականը մեկնել է Թուրքիա․ տեղեկացնում են ՀՖՖ-ից։ Հիշեցնենք, որ վաղը՝ սեպտեմբերի 8-ին, Երևանի ժամանակով 22։45-ին կկայանա Եվրո 2024-ի ընտրական փուլի Հայաստան- Թուրքիա հանդիպումը։
Թիմերի առաջին հանդիպումը Երևանում ավարտվել էր Թուրքիայի ընտրանու հաղթանակով 1-2 հաշվով։ Թուրքիայի հավաքականն այս պահին D խմբի առաջատարն է՝ 4 խաղ, 9 միավոր։ Հայաստանի ընտրանին մեկ խաղ պակաս է անցկացրել և 6 միավորով երկրորդն է։
Խորվաթիայի հավաքականը, որը խմբի ֆավորիտն է համարվում, 2 խաղ է անցկացրել և ունի 4 միավոր։ Ուելսի ընտրանին նույնպես 4 միավոր ունի, սակայն 4 խաղի արդյունքում։ Լատվիայի հավաքականը պարտվել է բոլոր 3 խաղերում և վերջին տեղում է։
Սեպտեմբերի 11-ին Հայաստանի ազգային հավաքականը Հանրապետական մարզադաշտում կընդունի Խորվաթիայի ընտրանուն։
