16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
ԱՄՆ-ը ցանկանում է 1 մլրդ դոլարի ռուսական ակտիվները փոխանցել Ուկրաինային
Քաղաքականություն
04.09.2023 | 17:48
ԱՄՆ Արդարադատության նախարարությունը հնարավորություն է փնտրում՝ Ուկրաինային ուղարկելու պատժամիջոցների տակ գտնվող ռուսական ակտիվները, որոնց արժեքը գնահատվում է ավելի քան 1 մլրդ դոլար։ Այս մասին հայտնում է CBS հեռուստաալիքը, որին վկայակոչում է DW-ի ռուսական ծառայությունը։
Լրատվամիջոցի տվյալներով՝ 2022 թվականի փետրվարի վերջից, երբ սկսվել է Ուկրաինայում պատերազմը, ԱՄՆ իշխանություններն առգրավել կամ նպաստել են ամբողջ աշխարհում ավելի քան 1 միլիարդ դոլար ընդհանուր գումարի ռուսական ակտիվների առգրավմանը։
«Մենք ձգտում ենք Կոնգրեսից թույլտվության հասնել ստացված միջոցներն ուկրաինացի ժողովրդի օգտին օգտագործելու համար»,- CBS-ին ասել է արդարադատության նախարարի, գլխավոր դատախազի առաջին տեղակալ Լիզա Մոնակոն։
Հավելեք, որ ԱՄՆ գլխավոր դատախազ Մերրիկ Գարլենդը մայիսին առաջին անգամ թույլտվություն էր տրամադրել Ուկրաինային փոխանցել ռուս օլիգարխի ակտիվները, որոնք առգրավվել էին պատժամիջոցները խախտելու համար։ Խոսքը ռուս ձեռնարկատեր Կոնստանտին Մալոֆեևի միջոցների մասին է։ 2022 թվականի ապրիլին ԱՄՆ Արդարադատության նախարարությունը նրան մեղադրել էր Ռուսաստանի դեմ սահմանված պատժամիջոցները խախտելու մեջ։
Էմմա Չոբանյան
