16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Ռուսաստանը Ղրիմի կամրջի մոտ պաշտպանական ամրություններ է կառուցում
Քաղաքականություն
31.08.2023 | 21:14
ՌԴ-ն Ղրիմի կամրջի մոտ աշխատանքներ է իրականացնում։ BBC-ի ռուսական ծառայության հաղորդմամբ՝ Եվրոպական տիեզերական գործակալության «Sentiel Earth Remote Sensing» արբանյակների լուսանկարներից հետևում է, որ օգոստոսի 26-ին կամրջի մոտ յոթ օբյեկտ է եղել: Օգոստոսի 21-ով թվագրված նախորդ լուսանկարներում դրանք տեսանելի չեն եղել։
Օգոստոսի 30-ին համացանցում հրապարակվել էին Planet.com ծառայության ավելի մանրամասն պատկերները, որոնք ցույց են տալիս, որ դրանք ինչ-որ ջրային նավեր են (հնարավոր է՝ նավակներ), որոնք տեղակայված են ծանծաղ ջրում։
Նշվում է, որ դա Ղրիմի կամրջի այն հատվածն է, որը տուժել է 2023 թվականի հուլիսի 17-ին ուկրաինական ծովային ԱԹՍ-ների հարձակման արդյունքում։ Այս հարձակման հանգամանքների քննարկման ժամանակ շատերն ուշադրություն էին հրավիրել այն փաստի վրա, որ անօդաչու սարքերը (անօդաչու նավակները) կարողացել են ազատորեն հասնել կամուրջ։ Սա վկայում էր ծովում խոչընդոտի բացակայության մասին։
Հիմա, ըստ լրատվամիջոցի, Ռուսաստանը փորձում է այդ խնդիրը լուծել։ Նշվում է, որ պատկերներում երևացող նավակների միջև կարող է ձգվել հակատորպեդային ցանց։
Ամեն դեպքում, դրանք ծածկում են Թամանի թերակզղուց կամրջի միայն մի հատվածը, հակառակ կողմում արգելքներ չեն երևում։
Էմմա Չոբանյան
