Տնտեսություն
31.08.2023 | 11:42Կառավարության այսօրվա նիստում որոշվեց 9 մարզերի՝ Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Վայոց ձորի և Տավուշի մարզպետների աշխատակազմերին հատկացնել 3 մլրդ 44 մլն դրամ մի շարք սուբվենցիոն ծրագրերի՝ Կառավարության մասնաբաժինը փոխհատուցելու համար:
ՏԿԵ նախարար Գնել Սանոսյանը նշեց, որ ծրագրերի հիմնական մասը՝ 29 ծրագիր, 2022 թվականի են, 15 ծրագիր էլ՝ 2023 թվականի: Ընդհանուր առմամբ՝ 25 համայնքի է գումար հատկացվում՝ 48 սուբվենցիոն ծրագրերի համար:
«Այս որոշման ընդունման պարագայում Կառավարությունը 255 ծրագրի համար արդեն շուրջ 14.4 մլրդ դրամ կվճարի»,- նշեց նախարարը:
Վարչապետ Նիկոլ Փաշինյանը ներկայացրել այս 9 մարզում համաֆինանսավորվող բոլոր ծրագրերի իրականացման ընթացքը:
Մանրամասները՝ տեսանյութում։
