Ադրբեջանի նպատակը լայնամասշտաբ գործողություններ սկսելն է, պետք է պատրաստ լինենք. Կորյուն Նահապետյան

Ադրբեջանը նպատակ ունի լայնամասշտաբ ռազմական գործողություններ սկսել, պետք է պատրաստ լինել: Այս մասին խորհրդարանում լրագրողների հետ զրույցում ասաց ԱԺ ՀՀԿ խմբակցության պատգամավոր, Պաշտպանության և անվտանգության հարցերի մշտական հանձնաժողովի նախագահ Կորյուն Նահապետյանը:

«Ադրբեջանի կողմից ձեռնարկվել են ռազամական գործողություններ, որոնք ցույց են տալիս՝ Ադրբեջանը պատրաստ չէ լուծել հարցը խաղաղ ճանապարհով, մեր գործողությունները պետք է լինեն հստակ և համարժեք: Արցախի պաշտպանության բանակի գործողություններն այս առումով համապատասխան են ստեղծված իրավիճակին»,- ասաց Նահապետյանը՝ նշելով, որ միջազգային հարթակներում համակարգված գործելու անհրաժեշտություն կա: Factor.am-ի հարցին՝ հայկական կողմն ունի՞ անհրաժեշտ տեղեկատվական բազան՝ ցույց տալու համար, որ Ադրբեջանն է սկսում ռազմական գործողությունները, Նահապետյանն ընդգծեց, որ այդ առումով որոշակի խնդիրներ կան:

«Յուրաքանչյուր կոնկրետ դեպք փաստագրվում է, այսինքն՝ հավաքվում է բավարար ծավալի տեղեկատվություն, ապացույցներ, որոնք վերլուծության արդյունքում օգտագործվում են ինչպես ներքին շրջանակներում,, այնպես էլ միջազգային կազմակերպություններում: Իհարկե, որոշակի խնդիրներ այստեղ ես տեսնում եմ, այնպես չէ, որ ամբողջապես ինձ բավարարում է, մենք առավել հետևողական պետք է լինենք Ադրբեջանի զինված ուժերի կողմից ձեռնարկված յուրաքանչյուր փաստի կապակցությամբ ուսումնասիրություն և վերլուծություն կատարելու»,- մանրամասնեց ՀՀԿ-ական պատգամավորը:

Մանրամասները՝ տեսանյութում:

Շողիկ Գալստյան