06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
ՄԱԿ-ի ԱԽ-ում Արցախի շրջափակման վերաբերյալ քննարկումը ոչինչ չտվեց․ Ադամ Շիֆը դիմել է ուղերձով. ՏԵՍԱՆՅՈՒԹ
Քաղաքականություն
23.08.2023 | 15:50
ՄԱԿ-ի Անվտանգության խորհրդում Արցախի շրջափակման վերաբերյալ քննարկումը ոչինչ չտվեց։ ԱՄՆ վարչակազմը պետք է ավելի վճռական քայլեր ձեռնարկի։ Այս մասին հայտարարել է ԱՄՆ Ներկայացուցիչների պալատի անդամ Ադամ Շիֆը Twitter-ում հրապարակած տեսաուղերձում։
«Բանաձև է անհրաժեշտ, որը կպահանջի վերջ դնել միջազգային իրավունքի այս ոտնահարումը, սննդի, բժշկական պարագաների մատակարարման կարիք կա, մարդիկ պետք է կարողանան ազատ գնալ ու գալ։ ԱՄՆ կառավարությունը, նախագահ Բայդենի վարչակազմը պետք է շատ ավելին անեն։ Նրանք պետք է կտրեն Ադրբեջանին տրամադրվող ռազմական օգնությունը, նրանք պետք է համոզվեն, որ այս ապօրինի շրջափակմանը վերջ է դրվել։ Մենք չպետք է որևէ լումա տրամադրենք Ադրբեջանին»,- ասել է Ադամ Շիֆը։
Նա շեշտել է, որ ԱՄՆ-ը չպետք է լռի։
«Ինչ-որ բան պետք է արվի, հակառակ դեպքում՝ ավելի շատ մարդիկ կմահանան։ Ադրբեջանն արդեն պատերազմել է ՀՀ-ի հետ, արդյունքում հազարավոր մարդիկ են զոհվել։ Նրանք շարունակում են մարդկանց ապօրինաբար պատերազմի բանտարկյալների նման պահել, միջազգային իրավունքը խախտելով՝ նրանց առանց պատճառ ձերբակալելով։ Սրան պետք է վերջ դրվի։ Նախ և առաջ, մենք պետք է վերջ դնենք Լաչինի միջանցքի շրջափակմանը։ Ես հուսահատորեն անհանգստացած եմ, որ մեկ այլ ցեղասպանություն կարող է տեղի ունենալ հայ ժողովրդի հանդեպ։ Վարչակազմը պետք է գործի»,- ասել է ամերիկացի կոնգրեսականը։
Մանրամասները՝ տեսանյութում:
There’s an urgent humanitarian crisis occurring in Artsakh.
Let’s break down what’s happening — and what the United States must do to hold Azerbaijan accountable and prevent another Armenian genocide. pic.twitter.com/dxRMzd0r05
— Adam Schiff (@AdamSchiff) August 23, 2023
