06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Իրավիճակն օրհասական է Արցախում․ միջազգային ներգրավվածությունն անհրաժեշտ է րոպե առաջ․ Գեղամ Ստեփանյան. ՏԵՍԱՆՅՈՒԹ
Քաղաքականություն
17.08.2023 | 19:55
Արցախի ժողովրդի նկատմամբ իրականացվում է ցեղասպանական գործողություն։ Արցախում Ադրբեջանի կողմից իրականացվող ցեղասպանության վերաբերյալ առցանց ասուլիսի ընթացքում ԱՀ ՄԻՊ Գեղամ Ստեփանյանը տեղեկացրեց, որ այս մասին 8 ամիս շարունակ ԱՀ ՄԻՊ-ը տարբեր զեկույցներով, տեղեկանքներով, կազմակերպությունների մշտապես ներգրավվածությամբ ներկայացրել է բոլոր փաստերը։
ՄԻՊ-ի խոսքով՝ Արցախում կատարված ցեղասպանական գործողությունները փաստաթղթավորվում են, կազմվում է փաթեթ և ուղարկվում համապատասխան կառույցներին։ Ընդանուր իրավիճակի մասին կազմվում են տեղեկանքներ։ Շրջափակման ընթացքում 15- ից ավելի զեկույց է կազմվել իրավունքների խախտման վերաբերյալ և ներկայացվել միջազգային կառույցներին։
«Միջազգային ներգրավվածությունը՝ ցեղասպանության կանխման հարցում, անհրաժեշտ է րոպե առաջ կիրառել։ Հույս ունեմ նաև , որ այս ասուլիսի ընթացքում հնչած մտքերը կօգնեն ճնշում գործադրել քաղաքական մակարդակում որոշում ընդունողների վրա,որ լինեն ոչ թե երեկվա ՄԱԿ ԱԽ նիստի ընթացքում հնչած պրոտոկոլային հայտարարությունները, այլ՝ հստակ գործողություններ։ Ամեն օր Արցախում ապրող մարդու, այդ թվում՝ երեխաների համար օրհասական իրավաճակ է։ Ամեն օրը կարևոր է մարդկանց կյանքը փրկելու համար»,- ասաց Ստեփանյանը։
Մանրամասները՝ տեսանյութում։
