08.10.2026 | 18:39
ՀՌՀ-ն հեռարձակողների հետ քննարկել է տեսալսողական բովանդակության նոր չափորոշիչները
Օպերատիվ իրավիճակը հանրապետությունում օգոստոսի 15-ից 16-ը
Հասարակություն
16.08.2023 | 12:27
Ըստ ոստիկանության օպերատիվ հաղորդագրությունների ամփոփագրերի՝ օգոստոսի 15-ից 16-ը Հայաստանի Հանրապետության ոստիկանության ստորաբաժանումները բացահայտել են հանցագործության 68 դեպք, որից 2-ը՝ նախկինոմ կատարված․ տեղեկացնում են ՆԳՆ ոստիկանությունից։
Մասնավորապես՝ մարմնական վնասվածք պատճառելու՝ 9, անձնական ունեցվածքի գողության, թմրամիջոցի հայտնաբերման և խարդախության՝ 8-ական, շրջանառությունն արգելված թմրամիջոցներ, բույսեր ցանելու կամ աճեցնելու՝ 7, ֆիզիկական ներգործության՝ 4, ապօրինի ձեռնարկատիրական գործունեության՝ 3, հոգեկան ներգործության, խուլիգանության, կաշառակերության և թմրամիջոցի մաքսանենգության՝ 2-ական, սեքսուալ բնույթի բռնի գործողության, ավազակության, կենդանիների նկատմամբ դաժան վերաբերմունքի, պաշտոնեական կեղծիքի կամ անփութության, զենք-զինամթերքի առգրավման, թմրանյութի իրացման, ծառերը, թփերը ապօրինի հատելու, պաշտոնեական լիազորությունները չարաշահելու, սեռական բնույթի գործողություններին հարկադրելու և երեխայի դաստիարակության կամ խնամքի պարտականությունները չկատարելու կամ ոչ պատշաճ կատարելու՝ 1-ական դեպք։
Հայտնաբերվել է 8 հետախուզվող։ Կամավոր ներկայացել է 5 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է անձնական ունեցվածքի գողության 2 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար. 24 մարդ ստացել է տարբեր աստիճանի մարմնական վնասվածքներ:
`
